तराई–मधेस जागरण अभियान सञ्चालन गर्ने माओवादीको तयारी

Share this
700shares
मुलुकी खबर
मुलुकी खबर
clock२०८१ पुस २१, आइतबार १९:०९

काठमाडौं । नेकपा (माओवादी केन्द्र)ले तराई–मधेस जागरण अभियान सञ्चालनको तयारी गरेको छ ।

माओवादीले पार्टीको पक्षमा देशैभर सकारात्मक ऊर्जा पैदा भएको र यथास्थितिबाट जनतामाझ फर्किनुपर्ने निष्कर्षसमेत निकालेको छ । त्यसका लागि फागुन १ गतेदेखि तराई–मधेस जागरण अभियान सञ्चालन गर्ने र त्यसको १ महिनापछि पूर्व–पश्चिम अभियान सञ्चालन गरिने माओवादीले जनाएको छ ।

पार्टी अध्यक्ष पुष्पकमल दाहाल ‘प्रचण्ड’ले गठबन्धन नगरी एक्लै चुनाव लड्ने गरी अघि बढ्ने भनेर राजनीतिक प्रतिवेदन प्रस्तुत गरेका छन् । आइतबारबाट काठमाडौंमा सुरु भएको पार्टीको केन्द्रीय समितिको पूर्ण बैठकमा राजनीतिक प्रतिवेदन पेस गर्दै प्रचण्डले आगामी निर्वाचनमा कांग्रेस र एमालेजस्ता पार्टीसँग मिलेर चुनाव नलड्ने र एक्लै चुनाव लड्ने गरी अघि बढ्ने प्रस्ताव राखेका हुन् ।

पार्टीका प्रवक्ता एवं उपाध्यक्ष अग्नि सापकोटोका अनुसार बैठकमा प्रतिवेदन पेस गर्दै अध्यक्ष प्रचण्डले वैज्ञानिक समाजवाद मान्नेहरुसँगै एकता गरेर अघि बढ्ने प्रस्ताव राखेका छन् । माधवकुमार नेपाल नेतृत्वको नेकपा (एकीकृत समाजवादी), नेपाल समाजवादी पार्टी, नेकपा बहुमत, विप्लव नेतृत्वको नेकपा, प्रभु साहको नेपाल आम पार्टीलगायतसँग एकताको पहल गर्ने प्रस्ताव प्रचण्डको रहेको जानकारी सापकोटाले दिए ।

अग्रगमनका पक्षमा संविधान सशोधनका लागि बहस र छलफल चलाउनुपर्ने, संक्रमणकालीन न्यायसँग सम्बन्धी समितिको पदाधिकारी नियुक्त गर्न पहल गर्ने लगायतका विषयलाई प्रचण्डको राजनीतिक प्रतिवेदनमा उल्लेख गरेका छन् । बैठकमा अध्यक्षको राजनीतिक प्रतिवेदनसँगै विभिन्न प्रदेश कमिटी, सम्पर्क समन्वय कमिटी लगायतले रिर्पोटिङ गरेका थिए ।

उनीहरुको रिपोर्टिङ देशैभर माओवादी प्रवेश गर्नेको लहर चलेको र पार्टीलाई बलियो बनाएर अघि बढाउनुपर्नेमा केन्द्रित रहेको सापकोटाको भनाइ छ । बैठकमा पूर्वउपराष्ट्रपति नन्दकिशोर पुन पासाङलाई आमन्त्रित सदस्यको रुपमा बोलाइएको भन्दै सापकोटाले पदका विषयमा कुनै छलफल नभएको जानकारी दिए ।

केन्द्रीय समितिको दोस्रो दिनको बैठक सोमबार बिहान ११ बजे बस्ने छ । बैठकमा विभिन्न प्रतिवेदनमाथि छलफल हुने सापकोटाले बताए ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.