
काठमाडौं । सरकारले ५ वटा अध्यादेश जारी गर्नका लागि राष्ट्रपतिसमक्ष गरेको छ ।
पुस २६ गते बसेको मन्त्रिपरिषद् बैठकले ५ वटा अध्यादेश जारी गर्ने निर्णय गरेको थियो । संवैधानिक व्यवस्था अनुसार अध्यादेश जारी गर्न मन्त्रिपरिषद् बैठकले राष्ट्रपति रामचन्द्र पौडेलसमक्ष सिफारिस गरेको हो ।
सोमबार मन्त्रिपरिषद्को निर्णय सार्वजनिक गर्दै सञ्चारमन्त्री पृथ्वीसुब्बा गुरुङले सुशासन प्रवर्दन तथा सार्वजनिक सेवा प्रवाहसम्बन्धी केही नेपाल ऐनलाई संशोधन गर्ने बनेको अध्यादेश जारी गर्न राष्ट्रपति समक्ष सिफारिस गर्ने निर्णय भएको जानकारी दिए ।
आर्थिक तथा व्यवसायिक वातावरण सुधार र लगानी अभिवृद्धिसबन्धी केही नेपाल ऐनलाई संशोधन गर्न बनेको अध्यादेश, आर्थिक कार्यविधि तथा वित्तीय उत्तरदायित्व (पहिलो संशोधन), अध्यादेश, निजीकरण ऐन, २०५० लाई संशोधन गर्न बनेको अध्यादेश र भूमिसम्बन्धी केही नेपाल ऐनलाई संशोधन गर्न बनेको अध्यादेश सिफारिस गरेको उनले बताए ।
राष्ट्रपतिले जारी गरेपछि अध्यादेशले कानुनी मान्यता पाउँछ । यसरी जारी भएको अध्यादेश संसदको पहिलो बैठकमा पेश हुनेछ । ६ महिनासम्म अध्यादेश पारित नभए स्वत निष्कृय हुने संवैधानिक व्यवस्था छ ।

























