मोरङमा सडक बन्द गरेर माओवादीको खबरदारी सभा, सर्वसाधारणलाई सास्ती

Share this
727shares
मुलुकी खबर
मुलुकी खबर
clock२०८१ माघ ६, आइतबार ०६:४४

विराटनगर । मोरङको ग्रामथान गाउँपालिकाको तेतरियामा नेकपा (माओवादी केन्द्र)ले सडक नै बन्द गरेर शनिबार धन्यवाद ज्ञापन कार्यक्रम तथा खबरदारी सभा गरेको छ ।

पूर्वप्रधानमन्त्री एवं माओवादी अध्यक्ष पुष्पकमल दाहाल ‘प्रचण्ड’ प्रमुख अतिथि रहेको कार्यक्रमका कारण सर्वसाधारणले भने दिनभर सास्ती बेहोर्नु पर्यो । सडक छेकेर सभा गरेपछि माओवादीको तीव्र आलोचना भइरहेको छ ।

विराटचोक–घिनाघाट खण्डको ४ लेन सडक बन्द गरेर सवारी आवागमन नै प्रभावित बनाउँदै सभा गरेपछि माओवादीको विरोध भएको हो । उपनिर्वाचनमार्फत ग्रामथान गाउँपालिकाको अध्यक्षमा माओवादीका नमोनारायण माझी निर्वाचित भएका थिए ।

मतदातालाई धन्यवाद दिन र सरकारविरुद्ध खबरदारी गर्न भन्दै माओवादीले सभाको आयोजना गरेको हो । प्रचण्डले सम्बोधन गरेको सभाका कारण सास्ती बेहोर्नु परेको गुनासो स्थानीयको छ । सभाका लागि गाउँपालिकाको कार्यालयनजिकै मञ्च बनाइएको थियो ।

सभाका कारण सडक अवरुद्ध भएको थियो । जसको प्रत्यक्ष असर सडक प्रयोगकर्तालाई पुग्यो । बाटो जाम भएपछि एम्बुलेन्ससमेत चल्न मुस्किल पर्यो । अन्य सावरीसाधनले सडक प्रयोग गर्न पाउने त कुरै छाडौं । अत्यावश्यक सेवाका सवारी साधनसमेत रोकिन पुगे ।

सभाका कारण ट्राफिक व्यवस्थापन अस्तव्यस्त बन्यो । प्रहरीले पनि सडक खुलाउन सक्ने अवस्था भएन । एम्बुलेन्स नै रोकिएपछि सडकमा बसेका पार्टी कार्यकर्ताहरूलाई बाटो खाली गरिदिन माइकबाट कार्यक्रम सञ्चालकले आग्रह गर्नु परेको थियो ।

शनिबार दिउँसो करिब १ बजेबाट सुरु भएको कार्यक्रम लगभग साढे ३ घण्टा चलेको थियो । कार्यक्रमको मञ्चमा पूर्वप्रधानमन्त्रीदेखि मन्त्री, सांसद, पूर्वमन्त्रीलगायत थिए । बाटो हिँड्नेलाई पनि सभामा सहभागी गराउने उद्देश्यले सडक नै ढाकेर सभा गरिएको स्थानीयको दाबी छ ।

माओवादीले सडक छेकेर सभा गरेपछि सवारीसाधन ‘डाइभर्ट’ गर्नु परेको थियो । जसका कारण सर्वसाधारणलाई निक्कै सकस भयो । सर्वसाधारण झन्झटमा परे । भित्री बाटोका कारण कतिपय अलमलिएका थिए ।

केही सवारी चालकले ‘सडक नै ढोकेर कार्यक्रम गर्ने बुद्धि यिनलाई कसले दियो ?’ भनेर प्रश्न नै गरेका थिए । सडकमा कार्यक्रम गर्नु आफूहरुको बाध्यता भएको माओवादी मोरङका संयोजक विजय विश्वासले बताए ।

‘कार्यक्रम गर्न हामीले धेरैतिर ‘फिल्ड खोज्यौं । तर, भेटेनौं । विद्यालयमा पनि कार्यक्रम गर्न मिलेन । त्यही कारण सडक रोज्नुपर्ने अवस्था आयो,’ उनले भने । सरकारविरुद्धको खबरदारी सभासमेत भएकाले कार्यक्रम गर्न सडक नै रोजिएको विश्वासको भनाइ छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.