
विराटनगर । कोशी प्रदेशका पूर्वमुख्यमन्त्री उद्धव थापामाथि शनिबार झापाको सुरुङ्गामा आक्रमण भयो । बेलुका नेपाल विद्युत प्राधिकरणका कर्मचारीले उनलाई आक्रमण गरेका थिए । आक्रमणबाट उनको निधारमा चोट लागेको छ । घटनामा संलग्न दुई जनालाई पक्राउ गरी प्रहरी अभद्र व्यवहार मुद्दामा म्याद थप गरी अनुसन्धान सुरु गरेको छ ।
सोमबार प्रदेशसभाको छैठौं अधिवेशनको पहिलो बैठकमा नेपाली कांग्रेस संसदीय दलका नेतासमेत रहेका थापाले आफूमाथि आक्रमण भएको विषय उठाए ।
आफुमाथि योजनावद्ध रुपमा आक्रमण नभएको बताउँदै उनले सुरक्षाको विषयमा प्रदेश संवेदनशील बन्नु पर्ने बताए ।
‘यो कुनै नियोजित घटना होइन, कुनैले उदेश्य बोकेर घटना भएको होइन,’ उनले भने,‘ घरजना हतार थियो, अलिकति अगाडि जाउ, चाडै जाउ भनेर अगाडि बढ्न खोज्दा गर्दा मेरो चालकले हर्न बजाए, साइट माग्यो, म भन्दा अगाडि हिड्ने गाडीले साइट दिन चाहेन ।’
ड्राइभर्सनमा पुगेपछि गाडी रोकेको बताउँदै उनले सेक्युरेटीले भिआइपी छन् । साइड किन नदिएको भन्दै आक्रमण भएको बताए । ‘भिआइपीलाई साइट दिनु भएन ठिकै छ, तर सडकमा त भिआइपी मात्रै होइन,अरु पनि हिड्छन्, सडकको त नियम पनि हो नि भन्ने कुरा राख्दा मेरो सेक्यरेटीलाई पन्छाएर मलाइ हानेको हो,’उनले भने,‘…..सदनलाई नढाटी भन्नुपर्छ, म पनि २–४ मुक्का चाहिँ लगाउने हिसाबमा थिए, तर मलाई साथीहरुले रोक्नुभयो ।’

























