प्रचण्ड २ दिन तेह्रथुममा रहने, यस्ता छन् कार्यक्रम

Share this
752shares
मुलुकी खबर
मुलुकी खबर
clock२०८१ माघ १४, सोमबार ०८:१८

तेह्रथुम । पूर्वप्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ आज (सोमबार) तेह्रथुम जान लागेका छन् ।

पार्टीका उपमहासचिव वर्षमान पुनसहित प्रचण्ड २ दिनको कार्यक्रम तय गरेर पूर्वको पहाडी जिल्ला तेह्रथुम जान लागेका हुन् । प्रचण्ड र पुनसहितको टोली सैनिक हेलिकप्टरमा त्यहाँ पुग्ने बताइएको छ ।

प्रचण्ड आज र भोलि (सोमबार र मंगलबार) तेह्रथुममै रहने छन् । विभिन्न कार्यक्रममा सहभागी हुने माओवादीले जनाएको छ । विभिन्न पार्कको अवलोकन, उद्घाटन र शिलान्यासलगायतका कार्यक्रम लिएर प्रचण्ड तेह्रथुम पुग्न लागेका हुन् ।

तेह्रथुम पुग्नेवित्तिकै उनले बसन्तपुर बजारको चोलुङ पार्कको अवलोकन गर्ने छन् । त्यसपछि खाना खाएर लालीगुराँस नगरपालिका–७ लसुनेस्थित सहिद धनरुपा पार्कको उद्घाटन गरी आठराईतर्फ लाग्ने छन् ।

आठराई प्रधानमन्त्री एवं नेकपा (एमाले)का अध्यक्ष केपी शर्मा ओलीको जन्मथलो हो । सशस्त्र संघर्षका क्रममा माओवादीले त्यहाँ ठूलो क्षति पनि बेहोरेको थियो । जहाँ १८ जना माओवादी लडाकु मारिएका थिए ।

प्रचण्डले आठराई गाउँपालिका–३ ह्वाकु बगाले सहिद स्मृति पार्क र सोही स्थानमा जनयुद्ध तथा शान्ति संग्रहालय भवनको शिलान्यास गर्ने कार्यक्रम रहेको माओवादीले जनाएको छ । ह्वाकु बगालेमा २०५८ साल माघ १४ गते अर्थात आजैका दिन तत्कालीन शाही नेपाली सेनासहितको सुरक्षाकर्मीको टोलीको गोली प्रहारबाट १८ जना माओवादी लडाकु र ३ जना सर्वसाधारण गरेर २१ जना मारिएका थिए ।

सामूहिक रूपमा मारिएका उनीहरुकै सम्झनामा सहिद स्मृति पार्क र जनयुद्ध तथा शान्ति संग्रहालय भवन निर्माण गरिएको हो । पाँचथरको गोपेटार प्रहरी चौकी आक्रमणका क्रममा घाइते भएका निःशस्त्र लडाकुहरु उपचार गराइरहेको स्थानमा सेनाले घेराहालेर गोली ठोकेको थियो ।

त्यस्तै, प्रचण्डले आठराई–२ स्थित पर्यटकीय क्षेत्र झाँक्री गुफा पार्कसमेत अवलोकन गर्ने माओवादीले जनाएको छ । राति आठराई–६ चुहानडाँडा बजारमा बास बस्ने तय भएको छ ।

प्रचण्डले मंगलबार बिहान आठराई–६ मा पार्टी कार्यकर्ता, स्थानीय तथा स्वर्गीय माओवादी नेता भक्तराज कन्दङवाका परिवारसँग भेटघाट गर्ने बताइएको छ । त्यसपछि उनले कन्दङवाको सालिक अनावरण गर्ने माओवादीका नेताहरुले बताएका छन् ।

प्रचण्डले मंगलबार दिउँसो तेह्रथुम बहुमुखी क्याम्पसको सभाहलमा पार्टीका कार्यकर्तालाई राजनीतिक प्रशिक्षण दिने कार्यक्रम छ । त्यसपछि काठमाडौं फर्कने छन् ।

नेताहरुका अनुसार चुहानडाँडामा रहेको तत्कालीन शारदा माध्यमिक विद्यालयमा शिक्षकको नियुक्ति लिएर प्रचण्ड पहिलोपटक तेह्रथुम पुगेका थिए । माओवादीको सशस्त्र विद्रोह सुरु हुनुअघि पञ्चायतको अन्तिम समयतिर प्रचण्ड त्यहाँ पुगेका हुन् ।

नियुक्तिपत्र लिएर तेह्रथुम पुगे पनि उनले त्यहाँको विद्यालयमा पढाएनन् । सदरमुकाम म्याङलुङसम्म पुगेका उनी विद्यालय धेरै टाढा र विकट ठाउँमा रहेको थाहा पाएपछि फर्किएको नेताहरु बताउँछन् । विकटमा विद्यालय रहेको भनेर नपढाइकन फर्किएका उनले पछि माओवादी सशस्त्र संघर्ष सुरु गरेर त्यसको नेतृत्व गरेका हुन् ।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.