
विराटनगर । नेपाली कांग्रस नेता डाक्टर शेखर कोइरालाले संविधान संशोधन नेपाली कांग्रेस र नेकपा एमालेको मात्रै एजेण्डा नभएको बताएका छन् ।
बिहीबार नेपाल डेमोक्याटिक लयर्स एशोसिएसन र पेशागत बुद्धिजिवी विभागले आयोजना गरेको संविधान संशोधन,आवश्यकता र चुनौती विषयक अन्तरक्रियामा बोल्दै डाक्टर कोइरालाले संविधान संशोधन राष्ट्रिय विषय भएकाले कांग्रेस एमालेको मात्रै एजेण्डा नभएको बताएका हुन् ।
संविधान संशोधनको बहसका क्रममा उनले प्रतिनिधिसभामा भएका सिटमध्ये महिलाका लागि ३३ प्रतिशत सिट छुट्याएर सुरक्षित गर्ने विषयमा पनि छलफल गर्न सकिने बताए ।
नेता कोइरालाले संविधान संशोधनका लागि सबै पक्षको सहमती हुनुपर्ने बताए । प्रधानमन्त्री केपी शर्मा ओलीले २०८७ सालमा संविधान संशोधन गर्ने भन्दै दिएको प्रतिक्रिया प्रति उनले असन्तुष्टि जनाए ।
‘यहाँ ओलीजीले बहुमत नपुगेर ८७ सालमा संशोधन गर्ने भन्दै हुनुहुन्छ,’ उनले भने,‘ संविधान संसशोधन कांग्रेसको मात्रै एजेण्डा हो र ? एमालेको मात्रै हो र ? त्यसकारण सबैलाई समेटेर अगाडि बढ्नुपर्छ ।’

























