मुलुकलाई समृद्ध बनाउन अध्यादेश : उपसभापति खड्का

Share this
698shares
मुलुकी खबर
मुलुकी खबर
clock२०८१ माघ १८, शुक्रबार २०:२२

विराटनगर । नेपाली कांग्रेसका उपसभापति पूर्णबहादुर खड्काले सरकारले मुलुकको अर्थतन्त्र  सुदृढ र जनतालाई समृद्ध बनाउन अध्यादेश ल्याएको बताएका छन् ।

नेपाली कांग्रेसको आपूर्ति तथा उपभोक्ता विभागले शुक्रबार विराटनगरमा आयोजना गरेको वर्तमान अवस्थामा आपूर्ति व्यवस्था र उपभोक्ताको अधिकारको सम्बन्धी अन्तरक्रिया कार्यक्रममा बोल्दै उनले यस्तो बताएका हुन् ।

जनतालाई सहज आपूर्ति व्यवस्था, उनीहरुको हित, मुलुकमा लगानी भित्र्याउन, विदेशमा सूचना प्रविधिको कम्पनि स्थापना गरी स्वदेशमा रोजगारी सिर्जना गर्न अध्यादेशले बाटो खोलेको उनको भनाई छ ।

पूर्वउपप्रधानमन्त्री खड्काले दुई/दुई महिनामा सरकार परिवर्तनले जनतामा छाएको निराशालाई आत्मविश्वासमा परिणात गर्न र मुलुकमा समृद्धि ल्याउन वर्तमान गठबन्धन बनेको उनको भनाई छ ।

उनले नेपाली कांग्रेस र एमालेबीच विक्रम संवत् २०५१ सालपछि पनि जनता, मुलुकको स्वाधिनताको रक्षा र ठूला परिवर्तनका लागि संयुक्त गठबन्धन सरकार निर्माण भएको इतिहास रहेको स्मरण गराए ।

उपसभापति खड्काले संविधानको कार्यान्वयनसँग जोडिएका १८/२० ऐनहरु संसदका समितिमा गएको जानकारी दिए ।

उनले प्रदेशको मेरुदण्डको रुपमा रहेको जोगवनी –किमाथान्का सडक दु्रत गतिमा निर्माण सम्पन्न पश्चात प्रदेशको जनसङख्या बरावरका चीन र भारतबाट पर्यटक आउने विश्वास व्यक्त गरे । प्रदेशका अर्का पूर्वमुख्यमन्त्री केदार कार्कीले नागरिकहरुलाई सहज आपूर्तिका लागि व्यापारिक सिण्डिकेटको अन्त्य आवश्यक रहेको बताए ।

नेपाली कांग्रेसका केन्द्रीय सदस्य मीन विश्वकर्माले नागरिकको चुल्हो मंहगिएकोले त्यसको समाधान गर्नुपर्नेमा जोड दिए । नेपाली कांग्रेसका केन्द्रीय सदस्यद्वय भीम पराजुली र राजीव ढुङ्गगानाले सरकारले इमान्दारीपूर्व अनुगमन गर्नुपर्ने सुझाव दिँदै किसानले आफुनो उत्पादनको उचित मूल्य प्राप्त गर्नुपर्ने सुझाव दिएका थिए ।

विभागका संयोजक गुरु बराल, केन्दीय सदस्य फुलकुमार लालवानी, भूमि आयोगका पूर्व अध्यक्ष केशव निरौला, प्रदेश सभाका सदस्य गयानन्द मण्डल र प्रदेश योजना आयोगका सदस्य डा. प्रमिला गच्छदार लगायतकाले स्वदेशी उत्पादनमा प्रयोगमा जोड र व्यवहारिक रुपमा जनताका समस्या समाधान गरी समृद्धितर्फ लाग्न आजको आवश्यक्ता रहेको बताए । अन्तरक्रिया कार्यक्रममा उपभोक्ता संरक्षणमा आवद्ध विभिन्न संघसंस्था, विभिन्न व्यापरिक संघसंगठनका प्रतिनिधिहरुको सहभागिता रहेको थियो ।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.