
विराटनगर । नेकपा (एकीकृत समाजवादी) पार्टीका सम्मानित नेता तथा पूर्वप्रधानमन्त्री झलनाथ खनालले २ पार्टीको अधिनायकवादले मुलुकलाई अधोगतितर्फ लगिरहेको बताएका छन् ।
‘मुलुक बडो गहिरो संकटतर्फ धसिँदै गइरहेको छ । २ पार्टीको अधिनायकवादले मुलुकलाई अग्रगतितर्फ होइन अधोगतितर्फ लाँदैछ,’ विराटनगरमा सोमबार बिहान सञ्चारकर्मीसँग कुरा गर्दै उनले भने, ‘लोकतान्त्रिक मूल्य मान्यतामाथि चुनौती दिने खालको स्थिति देखा पर्दैछ ।’
राजनीति संकटग्रस्त बनिरहेको बताउँदै समग्र अवस्था कमजार हुँदै गएको बताए । दुई दलको सरकार बनेपछि भ्रष्टाचारीले उन्मुक्ति पाइरहेको उनले बताए । वर्तमान संविधान लागू भइनसकेको बताउँदै उनले अहिलेको अवस्थामा संविधान संशोधन आवश्यक नरहेको बताए ।

























