राजेन्द्र लिङ्देनले गरे आफैंलाई प्रश्न : अरुभन्दा ज्यादा खुसी छु कि, ज्यादा उत्ताउलो ?

Share this
657shares
मुलुकी खबर
मुलुकी खबर
clock२०८१ माघ २९, मंगलबार ०७:३०

विराटनगर । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले अरुभन्दा ज्यादा नै खुसी छु कि ज्यादा उत्ताउलो ? भनेर आफैंलाई प्रश्न गरेका छन् ।

माओवादी द्वन्द्वकालका बेला झापाको बिर्तामोडमा फागु (होली) खेलेर साथीहरुसँग रमाइलो गर्दाको पुरानो फोटो समाजिक सञ्जाल फेसबुकमा पोस्ट गर्दै उनले आफैंमाथि प्रश्न तेर्स्याएका हुन् । उक्त फोटो बिर्तामोडको कुनै पसलमा झुण्ड्याएर राखिएको लिङ्देन आफैंले उल्लेख गरेका छन् ।

तर, उक्त फोटो पोस्ट गर्दै लिङ्देनले साथीहरुसँग फागु खेलेर रमाइलो गरेको कुरा मात्रै व्यक्त गरेनन्, सशस्त्र द्वन्द्वमा माओवादीका कारण गाउँबाट सर्वसाधारणले विस्थापित हुनु परेको परिस्थितिलाई समेत सम्झिएका छन् । उनले माओवादी द्वन्द्वका कारण लामो समय गाउँबाट विस्थापित भएर बिर्तामोड बस्नु परेको भनेका छन् ।

 

फेसबुकमा लेखिएको कुराबाटै उनी माओवादीका कारण विस्थापित भएका थिए भनेर प्रष्ट हुन्छ । लिङ्देनले पोस्ट गरेको फोटोमा अरु साथीहरु भन्दा उनी अलि बढी नै हाँसेको देखिन्छ ।

अरु पनि हाँसेका छन् । तर, लिङ्देनको हाँसो अलि बढी नै छ । फोटोमा २३ जना देखिन्छन् । फोटोमा देखिएकालाई ‘सबै एक से एक गरिखाएका बेजोड साथी’हरु भनेर लिङ्देनले भनेका छन् ।

उनले लेखेका छन्, ‘बिर्तामोडको कुनै पसलमा झुण्ड्याएर राखिएको म समेत भएको पुरानो तस्बिर मेरा एकजना भाइले आफ्नो मोबाइलमा कैद गरेर मलाई पठाए । तस्बिर यसो नियालेर हेरेँ, माओवादी द्वन्द्वका कारण लामो समय गाउँबाट विस्थापित भएर बिर्तामोड बस्दाको समय फागु पर्व मनाउँदाको रहेछ। सबै एक से एक गरिखाएका बेजोड साथीहरुका बीच म चाँहि अलिक बेसीनै हाँसेको रहेछु । मनमा प्रश्न उठिरहेको छ, अरुभन्दा ज्यादा खुसी छु कि ज्यादा उत्ताउलो ?’

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.