
काठमाडौं। प्रधानमन्त्री केपी शर्मा ओलीले प्रविधिको प्रयोग गरी विकास निर्माण र उत्पादनको कामलाई तीव्रता दिनुपर्ने बताएका छन्।
लुम्बिनी प्रदेशसभाको बैठकलाई आज सोमबार सम्बोधन गर्दै प्रधानमन्त्रीले प्रविधि प्रयोगलाई व्यापक बनाउनु पर्नेमा जोड दिए।
प्रधानमन्त्री ओलीले भने, ‘आइटी र प्रविधिको प्रयोग गर्छौं। उत्पादन, विकास र सुविधाका लागि प्रविधिको समेत प्रयोग गरेर विकास निर्माणलाई तीव्रता दिन्छौं।’
कमभन्दा कम खर्च बढी उच्चतम लाभ दिने गरी प्रविधिको प्रयोग गर्नु पर्नेमा प्रधानमन्त्रीले जोड दिए। प्रविधिको प्रयोग गरेर आधुनिकतातर्फ छिटो अगाढि बढ्न सक्ने उनको भनाइ छ।

























