माओवादीको दोहोरो चरित्र : प्रदेश १ भन्ने, ब्यानरमा कोशी लेख्ने

Share this
715shares
मुलुकी खबर
मुलुकी खबर
clock२०८१ फागुन ५, सोमबार २०:२०

विराटनगर । नेकपा (माओवादी केन्द्र) ले अझै पनि कोशी प्रदेशको नामका विषयमा दोहोरो चरित्र देखाइरहेको छ ।

२०७९ फागुन १७ गते प्रदेशसभामा मतदान हुँदा कोशीको पक्षमा मतदान गरेको माओवादी पहिचान पक्षधरले आन्दोलन सुरु गरेपछि ‘ब्याक’ भएको थियो । माओवादीले पार्टी पहिचानको पक्षमा रहेको दाबी गर्यो । माओवादी आत्मालोचनासहित पुनःपहिचानको पक्षमा उभिने निर्णय गरेको थियो ।

त्यसपछि माओवादी केन्द्रले सार्वजनिक हिसाबले कार्यक्रमको आयोजना गर्दा ब्यानरमा प्रदेशको नाम कोशी लेखेन । माओवादीले विराटनगरमा सोमबार आयोजना गरेको पत्रकार सम्मेलनमा कोशी र १ नम्बर प्रदेश दुवै लेखेको छ । कार्यालयले ब्यानर बनाएर ल्याएका कारण पत्रकार सम्मेलनमा दुवै नाम राखिएको ब्यानर प्रयोग गरिएको माओवादी कोशी प्रदेशका अध्यक्ष हर्कबहादुर नेम्वाङ ‘मिक्सो’ले बताए ।

उनका अनुसार नामका विषयमा पार्टीभित्र छलफल जारी छ । ‘पहिचानको कुरामा हाम्रो पार्टीको अडान छँदैछ । नामकरणका विषयमा हाम्रो कमजोरी स्वीकार गरिसकेका छौं,’ उनले भने, ‘अब कसरी अघि बढ्ने भन्ने विषयमा छलफल भइरहेको छ । कोशी स्वीकार गरिएको होइन ।’

माओवादीले कोशीको नाम संशोधन गरी पहिचानको आधारमा राख्नुपर्ने बताउँदै आएको छ । गत मंगलबार माओवादी कोशी प्रदेशको प्रदेश परिषद् बैठकमा पार्टी अध्यक्ष पुष्पकमल दाहाल ‘प्रचण्ड’ले प्रदेशको नाममा थप छलफल गरेर निष्कर्षमा पुग्ने बताएका थिए ।

‘प्रदेशसभाले कोशी पारित गरेपछि त्यो नै नाम वैधानिक भयो । पार्टीले प्रदेश १ लेखिरहेको विषयमा अध्यक्षज्यूले थप छलफल गर्नुपर्ने भन्नु भएको छ,’ बैठकमा सहभागी एक नेताले भने ।‘

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.