महेन्द्र मोरङमा नेविसंघको झडप : प्रहरीमा पुग्दा पनि मिलेन विवाद

Share this
686shares
मुलुकी खबर
मुलुकी खबर
clock२०८१ फागुन १६, शुक्रबार १९:०१

विराटनगर । विराटनगरको महेन्द्र मोरङ आदर्श बहुमुखी क्याम्पसमा नेपाली कांग्रेसको भ्रातृ संगठन नेपाल विद्यार्थी संघ (नेविसंघ) बीचको विवाद चर्किएको छ ।

क्याम्पस हाताभित्र बिहीबार संस्थापन पक्षले डाक्टर शेखर कोइराला पक्षका नेविसंघ जिल्ला सभापति सरोज पोखरेलसहित तीन जनालाई कुटपिट गरेको थियो । संस्थापन पक्षले कुटपिट गर्दा घाइते भएका पोखरेल नोबेल मेडिकल कलेजमा उपचाररत छन् । सोही घटनामा संस्थापन पक्षको आक्रमणमा परेका २ जनालाई भने प्रहरीले हिरासतमा लिएको छ ।

कुटपिट गर्नेलाई कारबाहीको माग गर्दै जाहेरी लिएर पुगेका नेविसंघ जिल्ला सचिव गुड्डु साह र नेविसंघका विद्यार्थी नेता संजोग गौतमलाई प्रहरीले नियन्त्रणमा लिएको हो । उनीहरु आक्रमण गर्ने पक्षलाई कारबाहीको माग गर्दै शुक्रबार दिउँसो जिल्ला प्रहरी कार्यालय पुगेका थिए ।

प्रहरीले जाहेरी नलिएपछि साहले प्रहरी कार्यालयभित्रै आत्महत्या गर्ने धम्की दिए । त्यसपछि प्रदर्शन गर्न खोजे । प्रदर्शन गर्न खोजेपछि प्रहरीले २ जनालाई नियन्त्रणमा लिएको हो । त्यसपछि पुगेका सविन दाहाललाई पनि प्रहरीले पक्राउ गरेको छ ।

मोरङ प्रहरीका प्रवक्ता वेदप्रकाश जोशीले प्रहरी कार्यालयभित्र उच्छृङ्खल गतिविधि गर्न खोजेपछि नियन्त्रणमा लिइएको बताए । ‘हिजोको घटनापछि प्रहरीले दुवै पक्षको उजुरी दिएका छन् । तर, एउटा पक्षले प्रहरी कार्यालयभित्र उच्छृङ्खल गतिविधि गर्न खोजे । त्यसपछि २ जनालाई नियन्त्रणमा लिएका छौं,’ उनले भने ।

विद्यार्थी पक्राउ परेपछि नेविसंघको कोइराला पक्षका विद्यार्थीले जिल्ला प्रहरी कार्यालय अगाडि प्रदर्शन गरेका थिए । महेन्द्र मोरङ क्याम्पसको स्वतन्त्र विद्यार्थी युनियन (स्ववियु) सभापति जसवन्त पौडेलसहितको समूहले नेविसंघ मोरङका जिल्ला सभापति सरोज पोखरेल, सचिव गुड्डु साह र महेन्द्र मोरङमै अध्ययनरत नेविसंघ केन्द्रीय सदस्य पूजा विश्वासमाथि कुटपिट गरेको थियो ।

दुई पक्षबीच झडप हुँदा कोइराला पक्षका ३ जना घाइते भएका थिए । स्ववियु सभापति पौडेल संस्थापन पक्षका हुन् । बिना जानकारी क्याम्पसमा नेविसंघको नयाँ इकाई गठन गर्न खोजिएपछि विवाद भएको पौडेलले बताए ।

२ पक्षबीच झडप भएपछि यो विवाद प्रहरीमा पुगेको छ । दुवै पक्षले एकअर्कालाई कारबाहीको माग गर्दै प्रहरीमा जाहेरी दिएका छन् । तर, प्रहरीले कसैलाई पक्राउ गरेको छैन । हालसम्म विवादसमेत मिल्न नसकेको नेविसंघका नेताहरु बताउँछन् ।

विराटनगरको महेन्द्र मोरङमा नेविसंघका विद्यार्थीबीच झडप, ३ जना घाइते

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.