एमाले मोरङको अधिवेशन : निर्वाचन कार्यतालिका सार्वजनिक, प्रतिनिधि छनोटको विवाद मिलेन

Share this
741shares
मुलुकी खबर
मुलुकी खबर
clock२०८१ फागुन १९, सोमबार ०८:१६

विराटनगर । नेकपा (एमाले) मोरङको दशौं जिल्ला अधिवेशनबाट नयाँ नेतृत्व छनोटका लागि निर्वाचन कार्यतालिका सार्वजनिक गरिएको छ ।

निर्वाचन समितिले प्रकाशित गरेको कार्यतालिका अनुसार आज (सोमबार) बिहान ८ बजेबाट निर्वाचन प्रक्रिया प्रारम्भ हुने भनिएको छ । तर, यो समाचार तयार पार्दासम्म निर्वाचनको प्रक्रिया अघि बढ्न सकेको छैन । निर्वाचन कार्यतालिका सार्वजनिक भएपनि अधिवेशनका लागि मनोनित भएका ४६ जना प्रतिनिधिको विवाद मिलेको छैन । असन्तुष्ट पक्षले मनोनित प्रतिनिधिको विषयमा अझै विरोध गर्ने तयारी गरेको छ ।

आइतबार बन्दसत्रमा ४६ जना प्रतिनिधि एकलौटी रुपमा मनोनित गरेको भन्दै इतर समूहले प्रदर्शन गरेको थियो । प्रदर्शन र नाराबाजीपछि बन्दसत्र रोकेर नेताहरु छलफलमा बसेका थिए । तर, मनोनित प्रतिनिधिको विषयमा कुनै निर्णय भएन ।

प्रतिनिधिहरुका अनुसार आज बिहान पुनः बैठक बस्ने भन्दै नेताहरु बैठकबाट बाहिरिएका थिए । प्रतिनिधि मनोनित गरेको विवाद टुंगो नलगाइ निर्वाचन कार्यतालिका सार्वजनिक भएपपछि इतर समूह असन्तुष्ट बनेको छ ।

निर्वाचन समितिले सार्वजनिक गरेको कार्यतालिका अनुसार आज बिहान १० बजेपछि मनोनयन दर्ता गर्ने तयारी छ । दिउँसो २ः४५ बजेदेखि ५ बजेसम्म नयाँ नेतृत्वका लागि मतदान गर्ने कार्यसूची छ । मतदानपछि पार्टी कार्यालय पाञ्चनालीमा मतगणना हुनेछ ।

जिल्ला अधिवेशनमा संस्थापन र इतर पक्षको नाममा २ वटा प्यानल बनेको छ । संस्थापन पक्षमा अध्यक्ष केपी शर्मा ओली निकटका नेताहरु छन् । इतर पक्षको नेतृत्व विनोद ढकालले गरेका छन् ।

संस्थापन पक्षले राजकुमार ओझालाई जिल्ला अध्यक्षमा अघि सार्ने तयारी गरेको छ । उपाध्यक्षमा शान्ति भुजेललाई उम्मेवार बनाउने तयारी गरेको छ । यो समूहबाट रविन थापा सचिवको उम्मेदवार बन्ने छन् ।

विनोद ढकालको समूहले अजम्बर राईलाई जिल्ला अध्यक्षको रुपमा अघि बढाउने तयारी गरेको छ । यो समूहले उपाध्यक्षमा सागर थापालाई अघि सार्ने तयारी गरेको छ ।

ढकालको समूहले सचिवमा सोमराज थापालाई अघि सार्ने तयारी गरेको छ । यो समूहबाट उपसचिवमा उषा झा र सन्तोष वान्तवालाई अघि बढाउने तयारी रहेको ढकालनिकट नेताहरुले बताए ।

अधिवेशनले १ सय ६५ सदस्यीय नयाँ नेतृत्व चयन गर्नेछ । जिल्ला अधिवेशनका लागि ९ सय १४ जना प्रतिनिधि छानिएका छन् ।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.