एमाले मोरङको अधिवेशन : १९१ जना उम्मेदवार, फेरि सर्याे मतदान

Share this
661shares
मुलुकी खबर
मुलुकी खबर
clock२०८१ फागुन २०, मंगलबार १७:४६

विराटनगर । नेकपा (एमाले) मोरङको नयाँ नेतृत्व चयनका लागि हुनुपर्ने मतदान फेरि सरेको छ । पार्टीको १० औं जिल्ला अधिवेशनमा नयाँ नेतृत्व चयनका लागि आज (मंगलबार) हुने भनिएको मतदान भोलि (बुधबार) बिहानसम्मका लागि सरेको हो ।

यसअघि निर्वाचन समितिले मंगलबार बिहान ९ बजेबाट मतदान सुरु गर्ने बताएको थियो । सहमतिको प्रयास गर्ने भन्दै पुनः दिउँसोका लागि सारियो । मतपत्र छपाइमा समय लाग्ने भन्दै निर्वाचन समितिले मतदानको समय सारेको हो । समितिका अनुसार बुधबार बिहान ७ बजेबाट विराटनगरको होटल मनास्लु इनमा मतदान सुरु हुने छ ।

पार्टीको जिल्ला अधिवेशन त्यही होटलमा फागुन १७ गतेदेखि चलिरहेको छ । प्रमुख निर्वाचन अधिकृत सुरेशलाल श्रेष्ठले मतदानको समय बुधबार बिहान ७ बजेदेखि अपरान्ह ४ बजेसम्मका लागि छुट्याइएको बताए । उनका अनुसार ५ जना पदाधिकारीसहित १ सय ६५ सदस्यीय जिल्ला समितिमा ७१ जना सदस्य सर्वसम्मत निर्वाचित भएका छन् ।

सुरुमा ३ सय २५ जनाले मनोनयन दर्ता गरेका थिए । तीमध्ये ६३ जनाले उम्मेदवारी फिर्ता लिएका छन् । चुनावी मैदानमा १ सय ९१ जना छन् । श्रेष्ठका अनुसार उम्मेदवारी फिर्तादेखि अन्य प्राविधिक विषय मिलाउनलाई समय लागेका कारण निर्वाचनको मिति सरेको हो ।

निर्वाचनका लागि मतपत्रको छपाइ लगभग सकिएको उनले बताए । १ पटकमा २० जनाले मतदान गर्नसक्ने व्यवस्था मिलाइएको श्रेष्ठको भनाइ छ । उम्मेदवार धेरै भएका कारण १ जना मतदातालाई भोट हाल्न १५ मिनेटसम्म समय लाग्ने अनुमान गरिएको छ । मतदानपछि पार्टी कार्यालय पाञ्चालीमा मतगणना हुनेछ ।

अधिवेशनमा संस्थापन पक्षबाट अध्यक्षमा राजकुमार ओझा, उपाध्यक्षमा शान्ति लिम्बू भुजेल, सचिवमा रविन थापा, उपसचिवमा शिल्पा निराला कार्की र ईर्जालाल राजवंशीको उम्मेदवारी परेको छ ।

इतर पक्षबाट अध्यक्षमा अजम्बर राई, उपाध्यक्षमा सागर थापा, सचिवमा सोमराज थापा, उपसचिवमा सन्तोष वान्तवा र उषा झाले उम्मेदवारी दिएका छन् । इतर पक्षको नेतृत्व नेता विनोद ढकालले गरिरहेका छन् ।

दुवै पक्ष पदाधिकारीदेखि सदस्यसम्म प्यानल बनाएर मैदानमा उत्रिएका छन् । अधिवेशनका लागि ९ सय ११ जना प्रतिनिधि छन् ।

एमाले मोरङको जिल्ला अधिवेशन फागुन १७ गतेबाट सुरु भएको थियो । नयाँ नेतृत्व चयन गर्दै सोमबारसम्ममा अविधेशन सम्पन्न गर्ने तयारी थियो । तर, २ दिन ढिला भइसक्दा पनि नेतृत्व चयनका लागि मतदान हुन नसकेको हो ।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.