प्रदेश सरकार निजी क्षेत्रसँग सहकार्य गर्न तयार छ : मुख्यमन्त्री कार्की

Share this
728shares
मुलुकी खबर
मुलुकी खबर
clock२०८१ फागुन २३, शुक्रबार १८:३०

विराटनगर । कोशी प्रदेश सरकारका मुख्यमन्त्री हिक्मतकुमार कार्कीले प्रदेश सरकार निजी क्षेत्रसँग सहकार्य गरेर अगाडि बढ्न तयार रहेको बताएका छन् ।

विराटनगरमा विराटनगर ट्रक व्यवसायी संघको ३३ औँ वार्षिक साधारण सभालाई शुक्रबार सम्बोधन गर्दै मुख्यमन्त्री कार्कीले सरकार एक्लैले सबैथोक गर्न नसक्ने उल्लेख गरे । उनले सहकार्य गरेर अगाडि बढ्नका लागि सरकार तयार दोहोर्याए । ‘कोशी प्रदेश सरकारले सहकार्यकै मोडललाई ध्यान दिँदै काम गरिरहेको छ । ट्रक व्यवसायीसँग विराटनगरको पार्किङलाई व्यवस्थित गर्न समन्वय भइरहेको छ । पार्किङ व्यवस्थित गर्न २ करोड रुपैयाँ छुट्याइएको छ,’ कार्कीले भने ।

प्रदेश सरकारले आगामी वैशाख १८ र १९ गते लगानी सम्मेलन गर्ने तयारी गरेको जानकारी दिँदै मुख्यमन्त्री कार्कीले सम्मेलनबाट प्रदेशमा लगानीको वातावरण बन्ने र निजी क्षेत्रसँगको सहकार्य पनि वृद्धि हुने उल्लेख गरे । प्रदेश सरकार सुशासन कायम गर्दै विकास र समृद्धितर्फ अगाडि बढेको र असारे विकासलाई निरुत्साहन गर्न समेत लागि परेको चर्चा गर्दै उनले गरे ।

कार्कीले सुशासनमार्फत समृद्धि हासिल गरिने बताए । उत्पादकत्व वृद्धि गर्ने र रोजगारी सिर्जना गर्ने क्षेत्रमा साझेदारीमार्फत काम गर्न प्रदेशले चाहिरहेको उल्लेख गर्दै उनले व्यवसायीहरुलाई नयाँ–नयाँ क्षेत्रमा काम गर्न आग्रह गरे । ‘काममा सरकार पनि सँगसँगै हातेमालो गर्छ,’ उनले भने, ‘सहकार्य र हातेमालोको माध्यमबाट राष्ट्रिय पुँजीसमेत विकास गर्न सकिन्छ ।’
्
कार्यक्रममा कोशी प्रदेशका आन्तरिक मामिला तथा कानुनमन्त्री रेवती रमण भण्डारीले प्रदेश सरकार यातायात क्षेत्रको सुधारमा लागि परेको बताए । कार्यक्रममा आफूहरुले भोग्नु परेको समस्याका बारेमा ट्रक व्यवसायीहरुले मुख्यमन्त्रीलाई अवगत गराएका थिए।

कार्यक्रममा ढुवानी व्यवसायी शम्भुप्रसाद भट्टराईले ढुवानीका क्षेत्रको समस्या सम्बोधन गर्नका लागि आग्रह गरे । व्यवसायी मेघराज सिग्देलका अनुसार अधिवेशनले नयाँ नेतृत्व समेत चयन गर्नेछ।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.