
विराटनगर । नेपाली कांग्रेसका महामन्त्री गगन थापाले संविधान र संसद मान्नेहरुले यसबेला अन्यत्र ध्यान दिन नहुने बताएका छन् ।
विराटनगर विमानस्थलमा शुक्रबार पत्रकारसँगको सक्षिप्त कुराकानीमा महामन्त्री थापाले संविधान मान्ने, व्यवस्था मान्ने तथा संसदमा भएका र सरकारमा भएकाहरूले यतिवेला अरुतिर ध्यान दिने अवस्था नभएको बताएका हुन् । राजावादीहरुको प्रदर्शन र नेताहरुको अभिव्यक्तिप्रति महामन्त्री थापाले अहिले अलमलिने नभइ ध्यान आफैंमा केन्द्रित गर्नुपर्नेमा जोड दिए ।
महामन्त्री थापाले भने, ‘अहिलेको अवस्था दलहरुकै गतिविधिबाट सृजना भएको हो । दलहरुले काम नगरेका कारण जनता समेत रिसाएका छन् ।’ महामन्त्री थापाले दलहरूले काम नगरेका कारण जनता रिसाएको प्रस्टाए । जनता किन असन्तुष्ट भए ? भन्ने विषयमा ध्यान केन्द्रित गर्न जरुरी छ । अरुतिर ध्यान दिनमा समस्या जटिल हुँदै जान्छ,’ उनले भने ।
























