
विराटनगर । बेलबारी बहुमुखी क्याम्पस मोरङको स्ववियु निर्वाचनमा अखिल क्रान्तिकारीका उम्मेदवार कपिल विष्ट विजयी भएका छन् । बेलबारीमा शनिबार नयाँ नेतृत्वका लागि मतदान भएकाे थियाे । जसमा नेकपा एमाले निकट अनेरास्ववियुका प्रशान्त पोखरेललाई ३४ मतान्तरले पराजित गर्दै विष्ट निर्वाचित भएका हुन् ।
स्ववियुको सचिवमा अनेरास्ववियुका अर्जुन कोइराला विजयी भएका छन् । कोषाध्यक्षमा क्रान्तिकारीकै नवराज थापा निर्वाचित भएका छन् ।
बेलबारी क्याम्पसमा अघिल्लो पटक नेपाल विद्यार्थी संघको नेतृत्वमा सर्वसम्मत स्ववियु गठन भएको थियो । आन्तरिक विवादको कारण यस पटक भने नेविसंघले संगठन नै दर्ता गर्न सकेन ।
बेलबारी बहुमुखी क्याम्पसहित मोरङका ११ क्याम्पसमध्ये क्रान्तिकारीले ३ आंगिकसहित ६ वटामा जित निकालेको छ । आङ्गिक क्याम्पस महेन्द्र मोरङ आदर्श बहुमुखी क्याम्पस, स्नातकोत्तर क्याम्पस र विराटनगर नर्सिङ क्याम्पससहित कानेपोखरीको रमाइलो बहुमुखी क्याम्पस, बेलबारी क्याम्पस र मिक्लाजुङकाे मिक्लाजुङ क्याम्पसमा विजयी भएकाे हाे ।
अनेरास्ववियुले सुकुना बहुमुखी क्याम्पस र केराबारी बहुमुखी क्याम्पस सभापति जितेकाे छ । नेविसंघले लेटाङ क्याम्पस, उर्लाबारी र पथरी क्याम्पसकाे स्ववियु सभापति नेविसंघले जितेकाे छ ।
हेर्नुहाेस् मतपरिणाम
खसेको मत – ३७१
अध्यक्ष पद
१. प्रशान्त पोख्रेल – १६१
२. कपिल विष्ट – १९५ (विजयी)
सचिव पद
१. अर्जुन कोइराला – १८३ (विजयी)
२. दिपेन्द्र राई – १७०
कोषाध्यक्ष पद
१. शंकर थापा – १६८
२. नवराज थापा – १८२ (विजयी)
सदस्य
१. मनिका विष्ट – १४७
२. निराजन प्रसाई – १६३
३. विनु भण्डारी – १५३
४. शुभहाङ राई – १३८
५. दिलाशा बस्नेत – १२८
६. हिमाल आले नगर – ८७
७. सोहन लिम्बू – १७९ (विजयी)
८. ओम प्रतीक चौधरी – १६७ (विजयी)
९. विक्रम तामाङ – १६८ (विजयी)
१०. निकेश सुवेदी – १७६ (विजयी)
११. सलन राई – १७४ (विजयी)
१२. सुस्मिता थापा – १६५ (विजयी)
























