विनोद ढकालका लागि खुल्यो ‘बालुवाटारको गेट’

Share this
681shares
मुलुकी खबर
मुलुकी खबर
clock२०८१ चैत १०, आइतबार १७:११

विराटनगर । मोरङ जिल्लाको अधिवेशनमा अनपेक्षित नतिजा आएपछि नेकपा एमाले अध्यक्ष केपी शर्मा ओलीले एमाले मोरङका नेता विनोद ढकालसँग भेटेघाट गरेका छन् ।

एमालेको १०औं जिल्ला अधिवेशनमा अध्यक्ष ओलीले समर्थन गरेका उम्मेदवारलाई पराजित गर्दै अध्यक्षसहित पदाधिकारीमा ढकालले आफ्नो प्यानललाई नै विजयी गराएका थिए । त्यसपछि ओलीले ढकाललाई बालुवाटार बोलाएर भेटेका हुन् ।

कुनै समय ओलीका विश्वास पात्र ढकालसँग ओलीको सम्बन्ध चिसिएको थियो । काठमाडौं पुगेका ढकालले शुक्रबार बेलुका अध्यक्ष तथा प्रधानमन्त्री केपी शर्मा ओलीसँग भेट गरेका हुन् ।

ढकालले अध्यक्ष ओलीसँग भेट भएको बताए । ‘अस्ती बेलुका अध्यक्षज्यूसँग भेटघाट भयो,’ उनले भने,‘पार्टीका विषयमा कुराकानी भयो ।’

ओलीले ढकाललाई १८ महिनापछि भेट दिएका हुन् । यसअघि २०८० असोज ६ गते उनले भेटेका थिए ।

ढकाल निकट एक नेताका अनुसार ओलीलाई ढकालले आफूबारे गरिएको गलत व्रिफिङका बारेमा जानकारी गराएका थिए ।

२०८० असोज १२ गते एमाले कोशी प्रदेश अधिवेशन अघि ओलीले ढकाललाई भेटेर अध्यक्षमा घनश्याम खतिवडालाई सहयोग गर्न आग्रह गरेका थिए । तर ढकाल तयार भएनन् । अध्यक्षमा उम्मेदवारी दिएका ढकाल पराजित भए । त्यसयता ओलीले भेट दिएका थिएनन् । ओली पूर्व आउँदा ढकाल भने स्वागतका लागि पुग्ने गरेका थिए ।

प्रदेश अधिवेशन अघि र पछि ओली निवास बालकोटको ढोका ढकालका लागि बन्द जस्तै थियो । जिल्ला अधिवेशनमा अनपेक्षित नजिता निकालेपछि ओलीले ढकाललाई स्पेस दिएको एमाले नेताहरु बताउँछन् ।

गत फागुन २३ गते एमाले जिल्ला अधिवेशनमा अध्यक्ष ओलीले समर्थन गरेका राजकुमार ओझालाई पराजित गर्दै विनोद ढकालले समर्थन गरेका अजम्बर राई अध्यक्षमा निर्वाचित भएका थिए ।

तत्कालिन एमालेमा माधवकुमार नेपालको टिम सशक्त हुँदा मोरङमा ढकाल ओलीको विश्वास पात्र थिए । ओली शक्तिशाली भएपछि ढकाल किनारामा परेका थिए ।

तपाइको प्रतिक्रिया
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
कनकाईमा आगजनीबाट दुई कुन्यूको धान र पराल नष्ट
© 2024 Muluki Khabar. All Rights Reserved. Design & Develop By: Indesign Media Pvt. Ltd.