
काठमाडौं । नेकपा (एमाले)को भ्रातृ संगठन राष्ट्रिय युवा संघ नेपालको १० औं महाधिवेशन गण्डकी प्रदेशको राजधानी पोखरामा गर्ने निर्णय भएको छ ।
आगामी जेठ ९, १० र ११ गते महाधिवेशन गर्ने निर्णय बिहीबार बसेको पदाधिकारी बैठकले गरेको हो । महाधिवेशन आयोजनाका लागि संघका अध्यक्ष क्षितिज थेवेको संयोजकत्वमा ५ सय ५५ सदस्यीय मूल व्यवस्थापन समिति बनाइएको छ ।
समितिको सहसंयोजकमा संघका उपाध्यक्षहरु कृष्णहरि केसी, महाराज गुरुङ, प्रकाश गौतम तथा सदस्यसचिवमा महासचिव सुमन पुरी छन् । महाधिवेशनको लागि आवश्यकताका आधारमा अन्य उपसमितिहरू बनाइने छ । पोखरामा हुने आगामी महाधिवेशनको तयारी पनि थालिएको थेवेले बताए ।
























