
काठमाडौं । राजावादी समूहको प्रदर्शनमा सहभागी नहुन सरकारले आम नागरिकलाई अपिल गरेको छ ।
मंगलबार मन्त्रिपरिषद बैठकको निर्णय सुनाउन आयोजित पत्रकार सम्मेलनमा सरकारका प्रवक्ता पृथ्वीसुब्बा गुरूङले राजावादी समूहको प्रदर्शनमा सहभागी नहुन सरकारले अपिल गरेको बताएका हुन् ।
तीनकुने घटनाको सत्यतथ्य छानिबिन गरी दोषीउपर कारबाही गर्न र अगामी दिनमा यस किसिमको घटना हुन नदिने व्यवस्था मिलाउन गृह मन्त्रालयलाई निर्देशन दिइएको उनले बताए ।
‘साथै यस किसिमको अराजक गतिविधिमा संलग्न नहुन आम नागरिकहरूमा नेपाल सरकार हार्दिक अपिल गर्दछ,’ उनले भने ।
तीनकुनेमा चैत १५ गते दुई जनाको मृत्यु भएको थियो। दुर्गा प्रसाईंको आह्वानमा राजसंस्था पुनर्स्थापनाका लागि गत शुक्रबार प्रदर्शन भएको थियो ।

























