राप्रपाले आज काठमाडौंमा प्रदर्शन गर्दै

Share this
696shares
मुलुकी खबर
मुलुकी खबर
clock२०८१ चैत २६, मंगलबार ०६:५०

काठमाडौं । राजावादी दल राष्ट्रिय प्रजातन्त्र पार्टी (राप्रपा)ले आज (मंगलबार) काठमाडौंमा प्रदर्शन गर्दैछ ।

अहिलेको व्यवस्थाविरुद्ध र राजतन्त्रको पक्षमा राप्रपाले बल्खुमा प्रदर्शन गर्न लागेको हो । त्यसका लागि स्थानीय प्रशासनबाट अनुमति लिइसकेको छ । प्रदर्शनअघि विभिन्न स्थानबाट र्याली निकालिने राप्रपाले जनाएको छ ।

शिक्षक र सहकारी तथा लघुवित्त पीडितहरूले विरोध प्रदर्शन जारी राखेका बेला राप्रपाले पनि सडक संघर्ष सुरु गर्ने भएको हो । प्रदर्शनलाई मध्यनजर गर्दै सवारी आवागमन सहज बनाउन प्रहरीले सवारीसाधनलाई ‘डाइभर्सन’को व्यवस्था मिलाएको छ ।

खसिबजार – मकालु – कलंकी चोक– बाफल तथा बल्खु चोक– कुलेश्वर– कालीमाटी चोक– टेकु र कीर्तिपुर– सुन्दरीघाट– सानेपा– एकान्तकुनामा सवारीसाधन ‘डाइभर्ट’ गरिने छ । त्इस्तै । आवश्यक परेमा त्रिपुरेश्वर,बालाजु, हलचोक, नैकाप, सीतापाइला, चोभार, फर्पिङ, नख्खु दोबाटो र कोटेश्वरतर्फ पनि ‘डाइभर्ट’ गरिने प्रहरीले उल्लेख गरेको छ ।

्प्रहरीका अनुसार प्रदर्शनमा सहभागी हुनेहरुले सवारीसाधन लिएर आएमा पार्किङको व्यवस्थासमेत गरिएको छ । टियू गेटदेखि चोभार सडक, सानेपा करिडोर सडकको दुवैतर्फ, चोभार सुख्खा बन्दरगाह, नयाँ बसपार्क र सीतापाइला – बाफल सडक खण्डको १ लाइन पार्किङ गर्न सकिने छ । नेपाल शिक्षक महासंघले माइतीघर मण्डलामा भेला भएर बानेश्वर र माइतीघर सडक खण्डको बीचमा तथा सहकारी र लघुवित्त पीडितले शान्तिवाटिकामा कार्यक्रम गर्ने भएकाले उक्त स्थानमा पनि ‘डाइभर्सन’को व्यवस्था मिलाइएको ट्राफिक प्रहरीले जनाएको छ ।

कार्यक्रम हुने स्थान भएर चल्ने सवारीसाधनले वैकल्पिक मार्गको प्रयोग गर्नुपर्ने छ । गत चैत १५ गते राजावादीले गरेको तीनकुनेमा गरेको प्रदर्शन हिंसात्मक बनेको थियो ।

प्रदर्शनका क्रममा तोडफोड एवं आगजनीसमेत भयो । १ जना पत्रकारसहित २ जनाले ज्यान गुमाए । आजको प्रदर्शनमा समेत अवाञ्छित गतिविधि हुनसक्ने सम्भावनालाई मध्यनजर गर्दै त्यही हिसाबको सुरक्षा व्यवस्था मिलाइएको प्रहरीले जनाएको छ ।

तपाइको प्रतिक्रिया
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
© 2024 Muluki Khabar. All Rights Reserved. Design & Develop By: Indesign Media Pvt. Ltd.