
काठमाडौं । आन्दोलनरत शिक्षकहरुको नेतृत्व गरिरहेको नेपाल शिक्षक महासंघ र सरकारबीच वार्ता सुरु भएको छ ।
शिक्षा मन्त्रालयमा सरकारका तर्फबाट शिक्षामन्त्री विद्या भट्टराईलगायत र शिक्षक महासंघबाट सहअध्यक्ष नानुमाया पराजुलीे नेतृत्वको टोलीबीच वार्ता भइरहेको हो । शिक्षक महासंघको अगुवाइमा शिक्षकहरुले चैत २० गतेदेखि काठमाडौं केन्द्रित आन्दोलन गरिरहेका छन् ।
संवाद र संघर्ष सँगसँगै अघि बढाउने अडानमा शिक्षक महासंघ छ । मुख्य लेनमा मात्रै प्रदर्शन गर्दै आइरहेका शिक्षकहरुले पछिल्लो समय माइतीघरदेखि बिजुलीबजार पुलसम्मको सडक नै कब्जा गरेर आन्दोलन गरिरहेका छन् ।

























