माओवादी संसदीय दलको बैठक, यस्ता छन् निर्णय

Share this
708shares
मुलुकी खबर
मुलुकी खबर
clock२०८२ बैशाख ११, बिहीबार ११:१५

काठमाडौं । नेकपा (माओवादी केन्द्र) संसदीय दलको बैठक आज (बिहीबार) बिहान बसेको छ । बैठकमा विभिन्न निर्णयहरु भएका छन् ।

सरकारको नीति तथा कार्यक्रम र बजेटलाई जनमुखी बनाउन दबाब दिने निर्णय बैठकमा भएको छ । शिक्षकका माग सम्बोधनका लागि पहल गर्न प्रतिपक्षी दलहरुसँग सहकार्य गर्ने, शिक्षा ऐन र संघीय निजामती सेवा ऐन जारी गरी संघीयता कार्यान्वयनमा पहलकदमी लिने लगायतका निर्णयसमेत भएको छ ।

साथै, जाम्मू–काश्मीरमा आतंकवादी आक्रमणमा १ नेपालीसहितको मृत्यु भएको घटनाको भर्त्सना गर्दै बैठकले वैशाख १२ गतेको विनाशकारी भूकम्पको स्मरणमा गोरखाको बारपाकमा हुने कार्यक्रममा अध्यक्ष प्रचण्ड सहभागी हुने र तराई मधेश जागर अभियान वैशाख १७ गते समापन गर्ने निर्णय लिएको छ । ‘तराई–मधेस जागरण अभियान’मार्फत माओवादीप्रति पुनः जनविश्वास स्थापित भइरहेको निष्कर्ष बैठकले निकालेको छ ।

माओवादीका प्रमुख सचेतक हितराज पाण्डेका अनुसार बैठकमा पार्टी अध्यक्ष पुष्पकमल दाहाल ‘प्रचण्ड’ले समसामयिक राजनीतिक अवस्थाबारे सांसदहरुलाई जानकारी दिँदै माओवादी केन्द्रले खेल्नुपर्ने भूमिकाबारे निर्देशनात्मक मन्तव्य राखेका थिए । शिक्षकका मागप्रति सरकार संवेदनशील नभएको र गैरजिम्मेवारीपूर्वक प्रस्तुत भएको निष्कर्ष बैठकमा निकालिएको पाण्डले बताए ।

शिक्षकका माग सम्बोधनका लागि सरकारलाई दबाब दिन सडक र सदनबाट भूमिका खेल्नुपर्ने प्रचण्डले बैठकमा बताएका थिए । शिक्षकका समस्या समाधानका लागि अरु प्रतिपक्ष दलहरुसँग पनि सहकार्य, छलफल र संवाद गरेर एउटा निचोडमा पुग्ने निर्णय बेठकमा भएको छ । शिक्षा मन्त्री फेरबदलबाट शिक्षक आन्दोलनप्रति सरकारको संवेदनशीलता घट्दै गएको निष्कर्ष बैठकको छ ।

जनताका समस्या समाधानका लागि सरकार र सडकबाट पहल गर्ने नीति माओवादीले लिएको छ । बैठकको सुरुमा गोपीबहादुर अछामीले राष्ट्रियसभा र हितराज पाण्डेले प्रतिनिधिसभामा भएका काम र गर्न बाँकी कामबारे जानकारी गराएका थिए ।

बैठकमा राजनीतिक परिदृश्य, सरकारको कार्यशैली, पार्टीको भूमिका र जनअपेक्षाका बारेमा समेत छलफल भएको थियो । शिक्षक, चिकित्सक तथा लघुवित्त पीडितको समस्या समाधानमा नलागेर सरकार उल्टो बाटो हिँडिरहेको प्रचण्डले बताएका छन् । साथै, बैठकमा विपक्षी दलहरूको मोर्चाबन्दीलाई कसिलो बनाउन प्रयास गर्ने निर्णयसमेत भएको छ ।

माओवादीले अब संसदीय गतिविधिका विषयमा विपक्षी दलहरूसँग संवाद गर्ने भएको छ । संवाद गरेर विपक्षीको साझा धारणा बनाइने जानकारी पाण्डेले दिए ।

तपाइको प्रतिक्रिया
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
कनकाईमा आगजनीबाट दुई कुन्यूको धान र पराल नष्ट
एकै महिनामा १२ हजारभन्दा बढी चालक कारबाहीमा
© 2024 Muluki Khabar. All Rights Reserved. Design & Develop By: Indesign Media Pvt. Ltd.