दाेस्राे खेलमा नेपालले साउदीलाई हरायाे

Share this
658shares
मुलुकी खबर
मुलुकी खबर
clock२०८२ साउन २३, शुक्रबार १६:१२

काठमाडौं । नेपालले साउदी अरेबियामाथि १–० को संघर्षपूर्ण जित निकालेको छ ।

भुटानको थिम्पुमा जारी एएफसी यू– २० महिला एसियन कप छनोटको आफ्नो दोस्रो खेलमा साउदी अरेबियालाई हराएको हो ।

थिम्पुस्थित चाङलिमिथाङ स्टेडियममा भएको खेलकाे निर्धारित समय सकिनै लाग्दा ९० औं मिनेटमा शुक्रिया मियाँले नेपाललाई जित दिलाइन् ।  उनले मिना देउवाको पासमा गोल गरिन् ।

खेलमा साउदीले नेपालविरुद्ध केही राम्रा अवसरहरू बनाएपनि गोल भने गरेको थिएन । नेपालले आफ्नो पहिलो खेलमा भुटानसँग १–१ गोलको बराबरी खेल्दै अंक बाँडेको थियो । साउदी अरेबियाले भने उत्तर कोरियासँग १५–० को फराकिलो हार बेहोरेको थियो ।

पहिलो खेलमा बराबरी खेलेपछि नेपाली टोली समूहविजेता बन्ने सम्भावनामा धक्का लागिसकेको छ । बलियो टोली उत्तर कोरियासँग नेपालले खेल्न बाँकी छ । खेल आइतबार हुनेछ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.