अत्यधिक चिसो बढेपछि मेचीनगरका विद्यालय बन्द

Share this
754shares
मुलुकी खबर
मुलुकी खबर
clock२०८२ पुस १६, बुधबार ११:३५

झापा । अत्यधिक जाडोका कारण झापाको मेचीनगर नगरपालिकाका विद्यालयहरूमा ३ दिन बिदा दिइएको छ। नगर शिक्षा शाखाले सूचना जारी गर्दै पुस १६ गते बुधबारदेखि १८ गते शुक्रबारसम्मका लागि शिक्षण संस्थाहरू बन्द गर्ने निर्णय गरेको हो ।

नगर शिक्षा शाखा प्रमुख होमनाथ भण्डारीका अनुसार चिसो बढेसँगै विद्यार्थीहरूलाई विद्यालय आउन-जान र पठनपाठनमा कठिनाइ भएको गुनासो आएपछि यो कदम चालिएको छ । हाल दिइएको यो बिदालाई केही समयपछि दिइने नियमित जाडो बिदाबाट मिलान गरिने गरी व्यवस्था मिलाइएको छ।

झापामा केही दिनयता तापक्रममा उल्लेख्य गिरावट आएको छ । दिउँसोको समयमा समेत न्यूनतम तापक्रम १५ डिग्री सेल्सियससम्म मापन हुन थालेपछि जनजीवन प्रभावित बनेको छ । शीतलहर र चिसोबाट बालबालिकाको स्वास्थ्यमा पर्न सक्ने जोखिमलाई ध्यानमा राख्दै नगरपालिकाले सतर्कता अपनाउन र बालबालिकालाई न्यानोमा राख्न समेत आग्रह गरेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.