कोशी प्रदेश : कांग्रेस सत्तापक्षमा बस्ने कि प्रतिपक्षमा ?

Share this
607shares
मुलुकी खबर
मुलुकी खबर
clock२०८१ भदौ १२, बुधबार १९:४३

विराटनगर । दुई महिनादेखि रोकिएको कोशी प्रदेशसभाको बैठक शुक्रबार बस्दैछ । बैठकमा नेपाली काङ्ग्रेस सत्तापक्षमा बस्ने कि नबस्ने भन्ने विवाद भएको छ ।

नेपाली काङ्ग्रेसले १२ साउनै सरकारमा सहभागि हुने सहमति गरेको थियो । तर अझै सहभागि भएको छैन । सरकारमा सहभागी नभई बस्ने बैठकमा सत्तापक्षमा बस्ने कि प्रतिपक्षमा बस्ने भन्ने विवाद देखिएको हो । काङ्ग्रेसका केही सांसदले भने बैठकमा अनुपस्थित हुनुपर्ने बताएका छन् ।

प्रदेशसभा बैठकमा काङ्ग्रेस सत्तापक्षमा बस्ने कि प्रतिपक्षमा बस्ने भन्ने टुङ्गो नभएको काङ्ग्रेस संसदीय दलका प्रमुख सचेतक गोपाल तामाङ बताउँछन् । ‘हामी सत्तापक्षमा बस्ने कि प्रतिपक्षमा बस्ने भन्ने भोलिको संसदीय दलको बैठकपछि टुङ्गो लाग्छ,’ तामाङ भन्छन्,‘ सरकारमा सहभागी हुने टुङ्गो छैन ।’

बिहीबार १ बजे काङ्ग्रेस संसदीय दलको बैठक बस्दैछ । कोशी तत्काल मन्त्रालय बढाउने सम्भावना पनि टरेको छ । शीर्ष नेतृत्वले हतार नगर्न भनेपछि प्रदेशमा मन्त्रालय बढाउने सम्भावना तत्कालका लागि टरेको हो ।

‘तत्काल मन्त्रालय बढाउने सम्भावना छैन, आवश्यकता अनुसार पछि हुनसक्छ,’ नेपाली काङ्ग्रेस सांसद भीम पराजुली भन्छन्,‘ पहिलेको सहमति अनुसार सरकारमा काङ्ग्रेस जान्छ ।’

प्रदेशमा हाल ९ वटा मन्त्रालय छन् । ती मध्ये नेपाली काङ्ग्रेसले भौतिक पूर्वाधार, पर्यटन वन तथा वातावरण, कृषि तथा सहकारी र स्वास्थ्य मन्त्रालय लिने सहमति पूर्व सहमति छ ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.