कोशीमा तिजपछि मात्रै मन्त्रिपरिषद् विस्तार

Share this
686shares
मुलुकी खबर
मुलुकी खबर
clock२०८१ भदौ १९, बुधबार १९:५४

विराटनगर । कोशी प्रदेशमा तिजपछि मात्रै मन्त्रिपरिषद् विस्तार हुने भएको छ । मुख्यमन्त्री हिक्मतकुमार कार्कीले प्रदेशमा मन्त्रिपरिषद् विस्तार तिजपछि मात्रै हुने बताएका हुन् ।

मन्त्रिपरिषद् विस्तार गर्न अझै केही दिन लाग्ने बताएका उनले नेपाली कांग्रेसलाई सरकार विस्तारका लागि गति बढाउन आग्रह गरे । विराटनगर विमानस्थलमा बुधबार संचारकर्मीसँग संक्षिप्त कुराकानी गर्दै कार्कीले कांग्रेसकै कारण अहिलेसम्म मन्त्रिपरिषद् विस्तार हुन नसकेको बताए ।

‘सरकार विस्तारमा कांग्रेसले गति बढाउनुपर्यो । कांग्रेसको हिँडाइ विस्तारै भयो । गति बढाउनु होला,’ उनले भने । मुख्यमन्त्रीले भनेजस्तै कोशीमा कांग्रेसकै कारण मन्त्रिपरिषद् विस्तारमा ढिलाइ भइरहेको हो ।

एमाले प्रदेश संसदीय दलका नेता कार्की नेतृत्वको सरकारमा सहभागी हुने निर्णय कांग्रेसले यसअघि नै गरेको थियो । तर, आन्तरिक किचलोका कारण सरकारमा पठाउने मन्त्रीहरुको टुंगो लगाउन सकेको छैन । जसका कारण कांग्रेससहितको सरकार विस्तारमा समय लागिरहेको छ ।

कांग्रेसले मन्त्रीको नाम दिनेवित्तिकै मन्त्रिपरिषद् विस्तार हुने मुख्यमन्त्री कार्की बताउँछन् । ‘अब चाँडै मन्त्रिपरिषद् विस्तार हुन्छ । मन्त्रिपरिषद् विस्तार नभएकै कारण सरकारका कामकारबाहीमा असर परिरहेको छ,’ उनले भने, ‘मन्त्रिपरिषद्ले पूर्णता पाएपछि सरकारको कामले पनि गति लिन्छ । शासकीय सुधारतर्फ लागेको अहिलेको सरकारले विकासका योजनाहरुलाई तीव्र गतिमा अगाडि बढाउने छ ।’

मुख्यमन्त्री कार्कीले सरकारका बारेमा कोही कसैले नराम्रो बोल्यो भन्दैमा उहीसँग लाप्पा खेल्न जान नहुने टिप्पणी गरे । केही दिनअघि प्रदेशसभा बैठकमा सत्तारुढ कांग्रेसकै प्रदेश सांसद एवं कोशी प्रदेशका पूर्वमुख्यमन्त्री केदार कार्कीले सरकारको चर्को आलोचना गरेका थिए ।

केदारले संसदमा दिएको अभिव्यक्तिप्रति लक्षित गर्दै उनले भने, ‘अमर्यादित बोल्ने, तथ्य बिना बोल्नेसँग केही गर्न सकिँदैन । सरकार आफ्नो काम विश्वासीलो ढंगले गरेर अगाडि बढ्छ । कसैले नमिठो बोल्यो भन्दैमा लाप्पा खेल्न जाने कुरा भएन ।’

सरकार गतिशील र व्यवस्थित ढंगले अगाडि बढिसकेको सन्दर्भमा कसले के भन्यो भनेर त्यतातिर नजाने उनको भनाइ छ । उनले सरकार आफ्नो काम गर्नमा केन्द्रित रहेको बताए ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.