नाटक महोत्सवः मंगलबार ‘भविष्य निर्माण’ मञ्चन

विराटनगर । आरोहण गुरुकुल विराटनगरमा भइरहेको विद्यालय नाटक महोत्सवमा सोमबार ‘छिमेकी’नामक नाटक मञ्चन भएको छ ।

हाटखोलास्थित गुरुकुलमा दिल्ली पब्लिक स्कुलका विद्यार्थी मयुरेस बर्माद्धारा निर्देशित नाटक मञ्चन भएको हो । गुरुप्रसाद मैनालीकोद्धारा लिखित कथालाई नाटकको रुप दिई मञ्चन गरिएको नाटकमा सोही विद्यालयका विद्यार्थी शौम्या साह, मुकुल अग्रवाल, आराध्य रौनियार, हिमांशु भट्टराई, प्रियांशु प्रधानलगायतले अभिनय गरेका थिए ।

नाटकमा दुई छिमेकीबीचको सम्बन्धलाई केलाइएको थियो ।

नाटक महोत्सवअन्तर्गत मंगलबार आदर्श माध्यमिक विद्यालयले ‘भविष्य निर्माण’ नामको नाटक मञ्चन गर्नेछ ।