कोशीका मुख्यमन्त्रीले दिए सभापतिहरुलाई बधाई

Share this
700shares
मुलुकी खबर
मुलुकी खबर
clock२०८१ असोज २, बुधबार १४:३४

विराटनगर । कोशी प्रदेशका मुख्यमन्त्री हिक्मतकुमार कार्कीले प्रदेशसभामा नवनिर्वाचित संसदीय दलका सभापतिहरुलाई बुधबार बधाई दिएका छन् ।

प्रदेशको ७ वटा विषयगत समितिका सभापतिहरुलाई कार्कीले बधाई ज्ञापन गरेका हुन् । कोशीमा लामो समयदेखि सभापति चयन हुन सकिरहेका थिएनन् । मुख्यमन्त्री कार्कीकै पहलमा सभापति चयन भएका हुन् ।

समितिमध्ये नेपाली कांग्रेस र नेकपा (एमाले)ले ३/३ र नेकपा (माओवादी केन्द्र)ले एउटाको नेतृत्व पाएका छन् । भदौ २८ गते समितिका सभापति चयन गरिएको थियो ।

मुख्यमन्त्री कार्कीले एमाले प्रदेश संसदीय दलको सचेतक ललिता चौधरीलाई समेत बधाई दिएका छन् । समिति सभापतिहरु र एमाले सचेतकलाई बधाई दिँदै उनले कार्यकाल सफलताको शुभकामना पनि व्यक्त गरेका छन् ।

संसदीय समितिको सभापतिमा एमालेको तर्फबाट होमबहादुर थापा (प्राकृतिक स्रोत तथा पूर्वाधार समिति), कमला दर्नाल (न्याय, प्रशासन तथा विधायन समिति) र रामदेव यादव (उद्योग, पर्यटन तथा वातावरण समिति) निर्वाचित भएका थिए । कांग्रेसको तर्फबाट गयानन्द मण्डल (सामाजिक विकास समिति), खगेश्वरी पौडेल (सुशासन तथा योजना समिति) र विनोद राई (अर्थ समिति) निर्वाचित भएका हुन् ।

माओवादीका तर्फबाट राजन किराँती (सार्वजनिक लेखा समिति) सभापति बनेका छन् । दलहरुबीचको सहमतिमा सबै समिति सभापतिहरु सर्वसम्मत निर्वाचित भएका हुन् ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.