
विराटनगर । नेपाली कांग्रेस कोशी प्रदेश संसदीय दलले मुख्यमन्त्री हिक्मतकुमार कार्कीलाई विश्वासको मत दिन आग्रह गरेको छ ।
कांग्रेसले स्थायित्वका लागि भनेर मुख्यमन्त्रीलाई मत मागेको हो । दलका उपनेता हिमाल कार्कीले राष्ट्रिय आवश्यकताका आधारमा कांग्रेस र एमाले मिलेर सरकार बनाएको बताए । मुख्यमन्त्री हिक्मतकुमार कार्कीले विश्वासको मत मागेपछि उनले राष्ट्रिय आवश्यकताका आधारमा सरकार बनेको बताएका हुन् ।
मुलुकमा फैलिएको विकृति र विसंगतिलाई अन्त्य गर्न गठबन्धन बनेको बताउँदै उनले हिक्मत कार्की नेतृत्वको सरकारलाई विश्वासको मत दिन आग्रह गरे । सैद्धान्तिक रुपमा दुई ठूला दल मिल्न नहुने भएपनि स्थायित्वका लागि मिलेको उनको जिकिर छ ।

























