२०८१ मंसिर ५, बुधबार १८:३७
विराटनगर । पूर्वेली लोक भाकामा पूर्वेली संस्कार संस्कृति बोकेको ‘तिमी मेरो पारुहाङ’ नामक गीत सार्वजनिक गरिएको छ ।
मेनुका राईले गीतमा स्वर दिएकी छन् । गीतकार चन्द्र जयपाल राईको शब्द संकलन तथा वसन्त सापकोटाको संगीत संयोजनमा रहेको पूर्वेली लोक भाका सार्वजनिक गरिएको हो ।
माया अनि पिरतीको भाका प्रस्तुत गर्दागर्दै मागी विवाह गर्ने र भगाइ लाने कुरामा दोहोरी चल्ने रोमान्टिक भाव गीतमा प्रस्तुत गरिएको छ ।
विक्रम डिसीको छायाँकन, मनोज कार्कीको सम्पादन तथा विल्सन विक्रम राईको निर्देशनमा भिडियो तयार गरिएको छ ।
मौलिक पूर्वेली लोक भाकामा प्रस्तुत गरिएको गीतमा संस्कार र संस्कृतिलाई समेटिएको गायिकाले बताइन् ।
गीतको भिडियोमा विल्सन विक्रम राई, एलिसा राई, सोनाम तामाङको अभिनय तथा नृत्य रहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
