सहकारीको रकम अपचलन : रवि लामिछानेसहित ३९ जनाविरुद्ध मुद्दा दायर

Share this
706shares
मुलुकी खबर
मुलुकी खबर
clock२०८१ पुस २१, आइतबार १८:१५

काठमाडौं । काठमाडौंको स्वर्णलक्ष्मी सहकारीको रकम अपचलन गरेको अभियोगमा पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछानेसहित ३९ जनाविरुद्ध आइतबार मुद्दा दायर भएको छ ।

बचतकर्ताको रकम अनियमितता गरेको दाबीसहित सरकारी वकिल कार्यालयले जिल्ला अदालत काठमाडौंमा मुद्दा दर्ता गरेको हो । सहकारीको १ अर्ब १९ करोड ९५ लाख रुपैयाँ अपचलन गरेको दाबीसहित अभियोगपत्र दायर गरिएको छ ।

गोर्खा मिडियाका तत्कालीन सञ्चालक समिति सदस्य लामिछानेसहित छविलाल जोशी, स्वर्णलक्ष्मी सहकारीका अध्यक्ष गितेन्द्रबाबु (जीबी) राई, उपाध्यक्ष देवेन्द्रबाबु राई, कोषाध्यक्ष कुमार रम्तेल, सचिव इरान लामा, सहसचिव कविता तामाङ, सदस्य हेमन्त अधिकारी, रविना रिमाल, पूर्वअध्यक्ष दीपक लामालगायतलाई मुद्दामा प्रतिवादी बनाइएको छ ।

लामिछानेविरुद्ध ५ करोड ८ लाख ६७ हजार ६ सय ३३ रुपैयाँ मागदाबीसहित मुद्दा दायर भएको हो । अनुसन्धानबाट स्वर्णलक्ष्मी सहकारी ठगीमा उनको संलग्नता यकिन भएको जिल्ला सरकारी वकिल कार्यालय काठमाडौंले जनाएको छ ।

अर्का प्रतिवादी नेपाल प्रहरीका पूर्वडीआईजी छविलाल जोशीविरुद्ध ५ करोड ७८ लाख ९६ हजार ४ सय ८० रूपैयाँ बिगो माग दाबी गरिएको छ । सबै प्रतिवादीबाट असुल उपर गर्नेगरी कुल १ अर्ब १९ करोड ४९ लाख २१ हजार २ सय ९० बिगो दाबी गरिएको वकिल कार्यालयले जनाएको छ ।

तपाइको प्रतिक्रिया
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
© 2024 Muluki Khabar. All Rights Reserved. Design & Develop By: Indesign Media Pvt. Ltd.