
विराटनगर । विराटनगरबाट लागुऔषध खैरो हेरोइन (ब्राउन सुगर)सहित एक जना युवक पक्राउ परेका छन् ।
सुनसरीको दुहबी नगरपालिका–४ का २५ वर्षीय मोहित यादवलाई पक्राउ गरिएको प्रदेश प्रहरी कार्यालय विराटनगरले जनाएको छ । प्रहरीका अनुसार भारतको जोगवनीबाट लागुऔषध लिएर आउँदै गरेका यादवलाई विराटनगर महानगरपालिका–१६ बाट आइतबार दिउँसो पक्राउ गरिएको हो ।
लागुऔषध नियन्त्रण ब्युरोको टोलीले नियन्त्रणमा लिएर चेकजाँच गर्दा उनको साथमा खैरो हेरोइन फेला परेको थियो । साथबाट १ ग्राम ८१ मिलिग्राम खैरो हेरोइन बरामद भएको प्रहरीले जनाएको छ ।
उनलाई इलाका प्रहरी कार्यालय रानीको हिरासतमा राखिएको छ । लागुऔषध ऐनअन्तर्गतको मुद्दा चलाउन अनुसन्धानको थप प्रक्रिया सुरु भएको प्रहरीले जनाएको छ ।

























