
काठमाडौं । राजेन्द्र महतो नेतृत्वको राष्ट्रिय मुक्ति पार्टी नेपाल निर्वाचन आयोगमा दर्ता भएको छ ।
दर्ता भएसँगै महतो अध्यक्ष रहेको दलले आयोगबाट मान्यता पाएको हो । आयोगले राष्ट्रिय मुक्ति पार्टी नेपाललाई मंगलबार दल दर्ता प्रमाणपत्र उपलब्ध गराएको छ । पार्टीको केन्द्रीय कार्यालय काठमाडौं महानगरपालिका–१० शंखमुलमा रहने छ ।
राष्ट्रिय मुक्ति क्रान्ति गठन गर्दै अभियान चलाएका महतोले राष्ट्रिय मुक्ति पार्टी नेपाल नामको पार्टी दर्ताका निर्वाचन आयोगमा निवेदन दिएका थिए । आयोगबाट उक्त पार्टीले ग्यास सिलिण्डर चुनाव चिन्ह प्राप्त गरेको छ ।
























