२०८१ माघ २१, सोमबार १७:२७
काठमाडौं । नेकपा माओवादी केन्द्रको पदाधिकारी बैठकले प्रदेश इञ्चार्जको जिम्मेवारी हेरफेर गरेको छ । सोमबार पार्टी अध्यक्ष पुष्पकमल दाहाल ‘प्रचण्ड’ निवास खुमलटारमा बसेको पदाधिकारी बैठकले इन्चार्जको जिम्मेवारी तोकेको हो ।
कोशी प्रदेश इञ्चार्जमा उपमहासचिव हरिबोल गजुरेल यथावत् छन् । मधेस प्रदेश इञ्चार्जको जिम्मेवारी उपमहासचिव मातृका यादवले पाएका छन् । बागमती प्रदेशको जिम्मेवारी सचिव हितमान शाक्यले पाएका छन् ।
गण्डकी प्रदेशमा सचिव दीनानाथ शर्मा यथावत छन् ।
लुम्बिनी प्रदेशको जिम्मेवारी सचिव चक्रपाणि खनालले पाएका छन् । कर्णाली प्रदेशको जिम्मेवारी स्थायी समिति सदस्य कालीबहादुर मल्ल र सुदूरपश्चिम प्रदेशमा उपमहासचिव गिरिराजमणि पोखरेल यथावत् छन् । सचिव लिलामणि पोखरेलले सम्पर्क समन्वय प्रदेश इन्चार्जको जिम्मेवारी पाएका छन् ।
उपत्यका विशेषमा स्थायी समिति सदस्यमा जयपुरी घर्ती, प्रवासतर्फ सार्क प्रदेशमा लक्ष्मण पन्त, युरोप, अमेरिका प्रदेशको जिम्मेवारी राम कार्की र एसिया प्रदेशको इञ्चार्जको जिम्मेवारी ओम शर्माले जिम्मेवारी पाएका छन् ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
