
काठमाडौं । सरकारबाट बाहिरिएपछि संगठन विस्तारमा सक्रिय रहेकाे नेकपा माओवादी केन्द्रले प्रदेशका इञ्चार्ज र सहइञ्चार्जकाे टुंगो लगाएको छ ।
पार्टी मातहतका कमिटीमा आइतबार पठाएको सर्कुलरमा प्रदेशका इञ्चार्ज र सहइञ्चार्जकाे नाम समावेश गरेकाे हाे ।
कोशी प्रदेशमा हरिबोल गजुरेल इञ्चार्ज छन् । सहइञ्चार्ज सावित्रीकुमार काफ्ले, अजम्बर काङबाङ, .धर्मशीला चापागाई र सुरेशकुमार राई छन् ।
मधेश प्रदेशकाे इञ्चार्जमा मातृकाप्रसाद यादव छन् । विश्वनाथ साह, प्रल्हाद बुढाथोकी, जोगकुमार बरबरिया यादव र महेन्द्र पासवानले सहइञ्चार्जकाे जिम्मेवारी पाएका छन् ।
बागमति प्रदेशकाे इञ्चार्जमा हितमान शाक्य र सहइञ्चार्जहरुमा अञ्जना विशंखे, सूर्य सुवेदी, हितबहादुर तामाङ र शालिकराम जम्मकट्टेल छन् ।
गण्डकी प्रदेशकाे इञ्चार्ज दीनानाथ शर्मा र सहइञ्चार्जमा हरिराज अधिकारी छन् ।
लुम्बिनी प्रदेशमा चक्रपाणि खनालले इञ्चार्ज र कुलप्रसाद केसी सहइञ्चार्जकाे जिम्मेवारी पाएका छन् ।
कर्णाली प्रदेशकाे इञ्चार्ज कालीबहादुर मल्ल ताेकिएका छन् । टेकबहादुर बस्नेत र महेन्द्रबहादुर शाहीले सहइञ्चार्जकाे जिम्मेवारी पाएका छन् ।
सदुरपश्चिम प्रदेशकाे इञ्चार्ज गिरिराजमणि पोखरेल छन् । खगराज भट्ट र विना मगर सहइञ्चार्ज बनेका छन् ।
उपत्यका विशेष प्रदेशकाे इञ्चार्जमा जयपुरी घर्ती छन् । सहइञ्चार्जकाे जिम्मेवारी मोहन कार्की, रमेश मल्ल र रामप्रसाद सापकोटाले पाएका छन् ।
























