एमाले मोरङ अधिवेशन : सहमतिका लागि सारियो मतदानको समय

Share this
674shares
मुलुकी खबर
मुलुकी खबर
clock२०८१ फागुन २०, मंगलबार १२:१६

विराटनगर । नेकपा (एमाले)मोरङको १० औँ अधिवेशनमा नयाँ नेतृत्व चयनका लागि हुने आज हुने मतदान केही समय सरेको छ । सहमतिको प्रयासका लागि भन्दै मतदानको समय सारिएको हो ।

निर्वाचन समितिले आज बिहान ९ बजेबाट मतदान सुरु गर्ने तयारी गरेको थियो । तर नेताहरुले सहमतिको प्रयास गर्ने बताएपछि दिउँसो २ बजेका लागि सारिएको छ । २ बजेबाट मतदान सुरु हुने सम्भावना न्यून छ ।

५ पदाधिकारीसहित १६५ जनाको जिल्ला कमिटीका लागि लागि ३२५ जनाले उम्मेदवारी दिएका छन् । मनोनयन फिर्ता लिने समय सकिएको छैन । मनोनयन फिर्ता भएपछि मात्रै मतपत्र छपाइ हुनेछ । त्यसपछि मतदानको प्रक्रिया प्रारम्भ हुनेछ ।

शनिबारदेखि शुरू भएको अधिवेशन सोमबार सम्पन्न गर्ने तयारी थियो । तर, नेतृत्वको छनोटको विवाद नमिलेपछि अधिवेशन लम्बिएको छ ।

अधिवेशनमा संस्थापन पक्षबाट अध्यक्षमा राजकुमार ओझा, उपाध्यक्षमा शान्ति लिम्बू भुजेल, सचिवमा रविन थापा, उपसचिवमा शिल्पा निराला कार्की र ईर्जालाल राजवंशीको उम्मेदवारी परेको छ ।

इतर पक्षबाट अध्यक्षमा अजम्बर राई, उपाध्यक्षमा सागर थापा, सचिवमा सोमराज थापा, उपसचिवमा सन्तोष वान्तवा र उषा झाले उम्मेदवारी दिएका छन् । इतर पक्षको नेतृत्व नेता विनोद ढकालले गरिरहेका छन् ।

दुवै पक्ष पदाधिकारीदेखि सदस्यसम्म प्यानल बनाएर मैदानमा उत्रिएका छन् । अधिवेशनका लागि ९ सय ११ जना प्रतिनिधि छन् ।

तपाइको प्रतिक्रिया
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
© 2024 Muluki Khabar. All Rights Reserved. Design & Develop By: Indesign Media Pvt. Ltd.