कानेपोखरीमा भजन प्रतियोगिताको तयारी

विराटनगर । मोरङको कानेपोखरीमा भजन प्रतियोगिताको तयारी थालिएको छ । कानेपोखरी गाउँपालिकाको २ नम्बर वडा कार्यालयले भजन प्रतियोगिता गर्ने भएको हो ।

गाउँपालिकाका प्रवक्तासमेत रहेका वडाध्यक्ष सुशील बुढाथोकीले भजन टोली र समूहहरुबीच जनचतेनामूलक भजन प्रतियोगिता गर्न लागिएको जानकारी दिए । भजन प्रतियोगिताका बारेमा जानकारी दिन सोमबार वडा कार्यालयले सूचना नै जारी गरेको छ ।

भजन प्रतियोगितामा सहभागी हुन इच्छुक रहेको समूहले सूचना जारी गरेको मितिले ७ दिनभित्र वडा कार्यालयमा निवेदन दिनुपर्ने छ । बुढाथोकीका अनुसार भजन विद्यालय शिक्षा र बालबालिकाको महत्व तथा अन्य जनचेतनामूलक हुनुपर्ने छ ।

भजन प्रतियोगितामा प्रथम हुनेले १० हजार, द्धितीय हुनेले ६ हजार ५ सय, तृतीय हुनेले ४ हजार र सान्त्वना स्थान हासिल गर्नेले २ हजार ५ सय रूपैयाँ नगद पुरस्कार पाउने छन् । वडाध्यक्ष बुढाथोकीले इच्छु समूह वा टोलीको निवेदन परेपछि भजन प्रतियोगिता आयोजना गर्ने मिति तय गरिने छ ।