२०८३ आश्विन १९, सोमबार ०७:२२
काठमाडौं । नेपाली कांग्रेसको १५औँ महाधिवेशनमा केन्द्रीय नेतृत्वका लागि प्रतिस्पर्धा गर्न चाहने उम्मेदवारले पदअनुसार फरक–फरक मनोनयन दस्तुर बुझाउनुपर्ने भएको छ ।
केन्द्रीय निर्वाचन समितिले सार्वजनिक गरेको शुल्क विवरणअनुसार पार्टी सभापतिमा उम्मेदवारी दर्ता गराउन ४० हजार रुपैयाँ लाग्नेछ । उपसभापति र महामन्त्री पदका आकांक्षीले भने जनही ३० हजार रुपैयाँ मनोनयन दस्तुर बुझाउनुपर्नेछ ।
त्यसैगरी, सहमहामन्त्री पदमा उम्मेदवारी दिन २० हजार रुपैयाँ र केन्द्रीय सदस्य पदमा प्रतिस्पर्धा गर्न ११ हजार रुपैयाँ शुल्क निर्धारण गरिएको छ । कांग्रेसको १५औँ महाधिवेशनअन्तर्गत हुने केन्द्रीय कार्यसमितिको निर्वाचनका लागि निर्वाचन समितिले पदअनुसार मनोनयन दस्तुरको दर सार्वजनिक गरेको हो ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
×