
विराटनगर । नेपालमा पश्चिमी वायुको सामान्य प्रभाव छ। जल तथा मौसम पूर्वानुमान महाशाखाका अनुसार सोमबार बिहान देशैभरि आंशिक बदलीदेखि मौसम मुख्यतया सफा छ ।
सोमबार दिउँसो कोशी, बागमती र गण्डकी प्रदेशमा आंशिक बदली र बाँकी भूभागमा आंशिक बदलीदेखि मुख्यतया सफा रहने पूर्वानुमान छ ।
दिउँसो कोशी प्रदेशको पहाडी भूभागका एक दुई स्थानमा मेघगर्जनसहित हल्का वर्षाको सम्भावना छ ।
बाँकी भूभागको मौसम सफा रहने पूर्वानुमान छ । सोमबार राति पनि दैशभरि आंशिक बदलीदेखि मुख्यतया सफा रहन पूर्वानुमान छ ।
आइतबारसम्म रहेको पश्चिमी न्यूनचापीय प्रणाली बाहिरिएको छ महाशाखाले जनाएको छ ।
‘आइतबारसम्म पश्चिमी न्यूनचापीय प्रणालीको प्रभाव थियो। आजदेखि त्यो प्रणाली नेपालबाट हटेको छ,’मौसविद बिनु महर्जनले भनिन,‘अहिले पश्चिमी वायुको सामान्य प्रभाव छ। वर्षा गराउने प्रणालीहरू विकसित भएका छैनन् ।’

























