
काठमाडौं । काठमाडौंको तीनकुनेमा राजावादीहरूको प्रदर्शनको क्रममा प्रहरीसँग भएको झडपमा ५ जना घाइते भएका छन् । घाइते हुनेमा २ प्रहरी ३ प्रदर्शनकारी रहेका छन् ।
उनीहरूको तीनकुनेस्थित कान्तिपुर अस्पतालमा उपचार भइरहेको प्रहरीले जनाएको छ ।
राजावादीहरू प्रहरीको घेरा तोडेर निषेधित क्षेत्रतर्फ प्रवेश गर्न खोजेपछि झडप भएको हो । त्यसक्रममा प्रहरीले सुरुमा लाठी प्रहार गरेको थियो भने राजावादीहरू नरोकिएपछि अश्रुग्यास प्रहार गरेको थियो ।
राजावादीहरूले कार्यक्रम आयोजना गर्न बनाइएको मञ्चतर्फ लक्षित गर्दै प्रहरीले अश्रुग्यास प्रहार गरेपछि मञ्चमा रहेका नेताहरू समेत तितरबितर भएका थिए ।

























