
काठमाडौं । काठमाडौंका सडकमा नेपाली सेना देखिएको छ । जिल्ला प्रशासन कार्यालयले कर्फ्यु लगाएसँगै सेनाको टोली सडकमा निस्किएको हो ।
काठमाडौंको तीनकुनेमा राजावादी समूहको प्रदर्शन बिथोलिएपछि तितरवितर भएको समूहले घर, पार्टी कार्यालय, सवारी तोडफोड,आगजनी र लुटपाट गर्दै हिडिरहेको छ ।

राजावादी समूहले भाटभटेनी सुपरस्टोर, लटपाट, नेकपा एकिकृत समाजवादी पार्टीको कार्यालय तोडफोड र आगजनी, कान्तिपुर टेलिभिजन र अन्नपूर्णपोष्ट दैनिकको कार्यालयमा पनि ढुंगामुढा गरेको छ ।
राजावादी समूहको प्रदर्शन अराजक बनेपछि स्थानीय प्रशासनले कर्फ्यु जारी गरेको छ । तीनकुने क्षेत्रमा कर्फ्यु जारी गरेको हो ।

























