
काठमाडौं । मुस्लिम समुदायको चाड इद उल फितरको अवसरमा सरकारले भोलि (सोमबार) सार्वजनिक बिदा दिएको छ । गृह मन्त्रालयका अनुसार सोमबार एक दिन सार्वजनिक बिदा दिएको हो ।
इद उल फितर मुस्लिम समुदायको महत्वपूर्ण चाड एक हो ।
यो चाड इस्लामिक पात्रोअनुसार नवौँ महिना रमजानभर गरिएको उपवास (रोजा) को समापनमा मनाइन्छ ।
रोजाको दौरान मुस्लिम धर्मावलम्बीहरूले सूर्योदयदेखि सूर्यास्तसम्म भोजन, पानी तथा अन्य भौतिक सुख–सुविधाबाट टाढा रहन्छन् । जानकारहरुका अनुसार, यो अवधिमा आध्यात्मिक शुद्धता, दानशीलता, सहानुभूति, तथा आत्मसंयमको अभ्यास गरिन्छ ।

























