
काठमाडौं । कोशी र गण्डकी प्रदेशका केही स्थानमा आज (सोमबार) वर्षाको सम्भवना रहेको मौसम पूर्वानुमान महाशाखाले जनाएका छन् ।
हाल देशमा पश्चिमी र स्थानीय वायुको आंशिक प्रभाव कायमै रहेको छ । महाशाखाका अनुसार लुम्बिनी, कर्णाली र सुदूरपश्चिम प्रदेशलगायत देशका पहाडी भू–भागमा आंशिक बदली रही बाँकी भू–भागको मौसम मूख्यतया सफा रहेको छ ।
कोशी र गण्डकी प्रदेशको पहाडी भू–भागको १–२ स्थानमा मेघगर्जन र चट्याङसहित हल्का वर्षा हुनसक्ने पूर्वानुमान गरिएको छ । उच्च पहाडी र हिमाली भू–भागका केही स्थानमा हल्का हिमपातको सम्भावना रहेको छ ।
हल्का वर्षा र हिमपातका कारण दैनिक जनजीवन, कृषि, स्वास्थ्य, सडक तथा हवाई यातायातमा आंशिक प्रभाव पर्न सक्ने सम्भावना रहेको महाशाखाले उल्लेख गरेको छ ।

























