
काठमाडौं । पूर्वराजदूत एवं पत्रकार कमल कोइरालाको निधन भएको छ । उनको ८७ वर्षको उमेरमा आइतबार साँझ निधन भएको हो ।
केही दिनअघि घरमै लडेका कोइरालालाई उपचारका लागि सिनामंगलस्थित केएमसी अस्पतालमा भर्ना गरिएको थियो । उपचारकै क्रममा निधन भएको परिवारले जनाएको छ ।
पूर्वप्रधानमन्त्री मातृकाप्रसाद कोइरालाका छोरा कमलले दक्षिण कोरियाका लागि नेपाली राजदूत भएर काम गरेका थिए। कोइराला परिवारका १ मात्र कम्युनिस्ट र वामपन्थी विचारधारामा विश्वास राख्ने उनले विभिन्न पत्रपत्रिकामा स्तम्भकारका रुपमा काम गरे ।
पूर्वसांसदसमेत रहेका कोइरालाको शव सोमबार बिहान ११ बजे नेकपा (एकीकृत समाजवादी)को कार्यालयमा श्रद्धाञ्जलीका लागि राखिने भएको छ । त्यसपछि पशुपति आर्यघाटमा अन्त्येष्टि गरिने परिवारले उल्लेख गरेको छ ।

























