
विराटनगर । भारतबाट पक्राउ परेका दुर्गा प्रसाईंलाई झापा ल्याईएको छ । उनलाई आजै प्रहरीले काठमाडौं लैजानेछ ।
भारतीय प्रहरीको सहयोगमा प्रहरीको विशेष व्यूरोको टोलीले उनलाई बिहीबार आसामबाट पक्राउ गरेको थियो । आज काँकडभिट्टा नाकाबाट प्रसाईंलाई नेपाल ल्याएको हो ।
उनलाई झापाबाट विमानमार्फत काठमाडौं ल्याइने प्रहरी उच्च स्रोतले जानकारी दिएको छ । भारतीय क्षेत्रबाट झापा ल्याउन्जेल उनलाई नेपाल प्रहरी र सशस्त्र प्रहरीले स्कर्टिङ गरेको थियो ।
प्रसाईंलाई पक्राउ गर्न नेपाल प्रहरीको विशेष ब्यूरो, काठमाडौं उपत्यका अपराध अनुसन्धान कार्यालयको टोली भारत पुगेको थियो ।

























