कक्षा १२ को परीक्षा बहिष्कार, स्कुल बन्दको घोषणा

Share this
679shares
मुलुकी खबर
मुलुकी खबर
clock२०८२ बैशाख १, सोमबार १९:४२

काठमाडौं । विद्यालय शिक्षा ऐन जारी गर्न माग गर्दै सडकमा निस्किएका शिक्षकको आन्दोलन झन् चर्किने संकेत देखिएको छ ।

आन्दोलन मत्थर हुने कुनै संकेत देखिएको छैन । विद्यालय शिक्षा ऐन तत्काल जारी गर्न माग गर्दै आन्दोलनरत नेपाल शिक्षक महासंघले सरकारलाई थप दबाब दिन अर्को निर्णय लिएको छ । महासंघले कक्षा १२ को परीक्षा बहिष्कार गर्ने र विद्यालय बन्द गर्ने निर्णय लिएको हो ।

महासंघको सोमबार बसेको बैठकले वैशाख ११ गतेदेखि सुरु हुने कक्षा १२ को परीक्षामा देशभरका शिक्षक र कर्मचारी सहभागी नहुने निर्णय गरेको छ । महासंघका अध्यक्ष लक्ष्मीकिशोर सुवेदीले आफूहरु निर्णायक संघर्षमा रहेको जानकारी दिए ।

उनले कक्षा १२ को परीक्षा सञ्चालन नगरिने र परीक्षा सञ्चालनका लागि कसैलाई पनि नखटाइने बताए । सरकारले भर्ना अभियान सुरु गरेको छ । नयाँ शैक्षिक सत्रको शुभारम्भ पनि भएको छ ।

तर, महत्वपूर्ण शैक्षिक अभियान चलिरहेका बेला शिक्षकहरु भने आन्दोलनमा छन् । परीक्षा सञ्चालन नगर्ने र विद्यालय बन्द गर्ने अडानसहित आन्दोलनमा होमिएका शिक्षकहरु माग पूरा नभएसम्म कार्यक्षेत्रमा फर्किने संकेत देखिँदैन ।

विद्यालय शिक्षा ऐनको माग गर्दै शिक्षकहरु चैत २० गतेदेखि आन्दोलित बनेका छन् । शिक्षा ऐनको मस्यौदा सार्वजनिक नगरी सरकार एकपक्षीय ढंगबाट अघि बढेको भन्दै शिक्षकहरु थप आक्रोशित बनेका छन् ।

शिक्षकको सरुवा, बढुवा, नियुक्ति, पेसागत सुरक्षालगायतका विषय स्पष्ट नहुँदा सडकमा उत्रिनुपर्ने अवस्था आएको महासंघले जनाएको छ । महासंघले विद्यालय शिक्षा ऐन नआएसम्म संघर्ष नरोकिने र आन्दोलनलाई थप सशक्त बनाइने चेतावनी दिएको छ ।

लामो समयदेखि शिक्षकहरु आन्दोलनमा रहे पनि सरकारले अहिलेसम्म कुनै स्पष्ट प्रतिबद्धता जनाइसकेको छैन । यसअघि शिक्षामन्त्रीसहितको वार्ता भए पनि कुनै निष्कर्ष निस्किन सकेन ।

राष्ट्रिय परीक्षा बोर्डले भने कक्षा १२ को परीक्षा निर्धारित मितिमा नै सञ्चालन गर्ने तयारी गरिरहेको छ । तर, शिक्षकहरू सहभागी नभएमा परीक्षा प्रभावित हुनसक्ने देखिन्छ ।

शिक्षकको आन्दोलनले नयाँ शैक्षिक सत्र, नयाँ भर्ना अभियान र परीक्षा प्रक्रिया सबै प्रभावित भइरहेको छ । सरकारले वार्ता र सहमतिबाट तत्काल समस्याको समाधान नखोजेमा शैक्षिक संकट उत्पन्न हुने सरोकारवाला बताउँछन् ।

तपाइको प्रतिक्रिया
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.