ताप्लेजुङ घटनाको छानबिन गर्न समिति गठन

Share this
699shares
मुलुकी खबर
मुलुकी खबर
clock२०८२ बैशाख १३, शनिबार ११:१६

विराटनगर । प्रसिद्ध धार्मिक तीर्थस्थल ताप्लेजुङको पाथीभरा (मुक्कुम्लुङ) दर्शन गर्ने तीर्थयात्री बोकेर गएको जिपमा आगलागी भएर ४ जनाको मृत्यु भएको घटनाको छानबिन गर्न सरकारले समिति गठन गरेको छ ।

पोलबाट लत्रिएको बिजुलीको तार अल्झिएर बोलेरो जिपमा आगलागी भएको थियो । ऊर्जा, जलस्रोत तथा सिँचाइमन्त्री दीपक खड्काले ४ सदस्यीय छानबिन समिति बनाएका हुन् । विद्युत विकास विभागका सुपरिटेन्डेन्ट इञ्जिनियर नुतन प्रकाश शर्माको संयोजकत्वमा गठित समितिमा मन्त्रालयका २ जना र पुल्चोक इञ्जिनियरिङ क्याम्पसका १ जना प्रतिनिधि सदस्य छन् ।

घटनाको छानबिन गरेर तत्काल प्रतिवेदन पेस गर्न मन्त्री खड्काले निर्देशन दिएका छन् । समितिले दुर्घटना कसरी ? र के कारणले भएको हो तथा भविष्यमा यस्ता घटना दोहोरिन नदिन के उपाय अपनाउनुपर्छ ? भन्ने विषयलाई समेटेर विस्तृत विवरणसहितको प्रतिवेदन तयार पार्ने छ ।

यति ठूलो घटना हुँदा पनि छानबिन समिति गठन नगरिएको भनेर सरकारको आलोचना भइरहेको थियो । आलोचना बढ्न थालेपछि ऊर्जामन्त्री खड्काले घटनाको छानबिन गरेर यथार्थ पत्ता लगाउन समिति गठन गरेका हुन् ।

ताप्लेजुङ सदरमुकामबाट पाथीभरा मन्दिरतर्फ जाँदै गरेको ना १ ज ३०११ नम्बरको जिप फुङ्लिङ नगरपालिका–१० तेर्सेको सेवारो चोकमा पुगेपछि विद्युतको तारमा अल्झिएर आगलागी भएको थियो । घटनामा जिप चालकसहित ४ जनाको घटनास्थलमै मृत्यु भएको थियो । २ जना घाइते भएका थिए ।

जो पाथीभरा नपुगी बाटैमा अस्ताए

तपाइको प्रतिक्रिया
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
मोरङमा सेप्टिक ट्यांकीभित्र बालकको शव फेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.