दसैँको मंगलमय शुभकामना

Share this
687shares
मुलुकी खबर
मुलुकी खबर
clock२०८२ असोज १३, सोमबार १५:००

नेपाली समाजमा बडादसैँ पर्वको विशेष महत्व छ । यो पर्व मात्रै होइन्, नेपाली समाज र सामाजिक सम्बन्धहरुलाई जीवन्त राख्ने आधार पनि हो ।

दसैँ, तिहार, नेपाल सम्वत तथा छठ पर्व नेपालीहरूको लागि विशेष महत्व राख्ने महान् चाडपर्व हुन् । यी पर्वहरूले हामी सबैमा नयाँ उमंग, उत्साह र खुसीयाली ल्याउँछन् ।  पारिवारिक मिलन, आफन्तहरूसँगको भेटघाट र मिठो परिकारले चाडपर्वलाई अझ विशेष बनाउँछ । विजय दशमी, असत्यमाथि सत्यको विजयको प्रतीक हो ।

मान्यजनबाट टीका र जमरा ग्रहण गरी आशीर्वाद लिने चलन छ, जसले परिवारका सदस्यहरूबीचको आत्मीयतालाई अझ मजबुत बनाउँछ । टाढाटाढा रहेका परिवारका सदस्यहरू पनि यस अवसरमा घर फर्कने गर्दछन्, जसले घरपरिवारमा खुसीको माहोल छाउँछ ।

दीपावली वा तिहार, दीपहरूको पर्व हो । यस पर्वमा लक्ष्मी पूजा, गाई पूजा, कुकुर पूजा, काग पूजा र भाइटीका जस्ता विभिन्न विशेषताहरू छन् । घरघरमा झिलिमिली बत्ती बालेर लक्ष्मीको स्वागत गरिन्छ, जसले धनधान्य र समृद्धिको कामना गर्दछ । भाइटीकाले दाजुभाइ र दिदीबहिनीबीचको पवित्र सम्बन्धलाई अझ प्रगाढ बनाउँछ ।

देउसी–भैलो खेल्दै आशीष दिने र लिने परम्पराले सामाजिक सद्भाव बढाउँछ । चाडपर्वको बेलामा खानपानमा विशेष ध्यान दिनु अत्यन्त आवश्यक छ । धेरै चिल्लो, पिरो र मसालेदार खानेकुराले स्वास्थ्यमा नकारात्मक असर पार्न सक्छ ।

त्यसैले खानपानमा विशेष ध्यान दिनुपर्छ । सरसफाइमा पनि ध्यान दिनु जरुरी छ । सफा वातावरणले मनलाई पनि शान्त र प्रसन्न बनाउँछ । चाडपर्वको अवसरमा कतिपय जुवा तास जस्ता नकारात्मक कार्यमा संलग्न हुने गर्दछन् । यस्ता गतिविधिले व्यक्तिगत तथा पारिवारिक जीवनमा समस्या उत्पन्न गराउन सक्छ ।

आर्थिक नोक्सानीसँगै मानसिक तनाव पनि बढ्छ, जसले चाडपर्वको खुसीलाई ग्रहण लगाउन सक्छ । जुवा तासको सट्टा परिवारसँग समय बिताउनु, साथीभाईसँगको भेटघाटमा समय बिताउनु र सामाजिक कार्यमा सहभागी हुनु बढी लाभदायक हुन्छ । यसले सम्बन्धहरूलाई मजबुत बनाउँछ, दिगो खुसी पनि प्रदान गर्छ ।

पर्वहरूले हामीलाई सामाजिक एकता र सहिष्णुताको पाठ सिकाउँछन् । चाडपर्वलाई सुरक्षित, स्वस्थ र खुसीका साथ मनाऔँ । अनावश्यक खर्चबाट बचौँ र समाजमा सकारात्मक सन्देश फैलाऔँ । गत भदौ २३ र २४ गतेको जेनजी आन्दोलनका क्रममा भएको आगजनी, हत्या र लुटपाट जस्ता घटनाले देशलाई नै शोकमा डुबाएको कारण यो वर्षको दसैँमा विगतको जस्तो रौनक देखिएको छैन ।

समाजमा एक खालको त्रास र अन्योलता छ । त्यसैले सतर्कतासहित चाडपर्व मनाउनु उपयुक्त हुन्छ । यस वर्षको दसैँ र दीपावलीले राज्य र नागरिक जीवनमा हर्षोल्लास ल्याओस्, मुलुकी सञ्चार नेटवर्क एवं मुलुकी खबर परिवारको तर्फबाट हाम्रा पाठक, दर्शक, शुभचिन्तक, विज्ञापनदाता एवं देश तथा विदेशमा रहनु हुने नेपाली जनमा मंगलमय शुभकामना ।

तपाइको प्रतिक्रिया
मलेसिया प्रकरणमा पूर्वमन्त्रीसहित ६ जना पक्राउ
सुनवर्षीका दुई अशक्त व्यक्तिलाई रोटरी क्लबद्वारा ह्विलचियर प्रदान
झापामा मोटरसाइकल र धान काट्ने मेसिन ठोक्किँदा दुई जनाको मृत्यु
झापामा मोटरसाइकल र धान काट्ने मेसिन ठोक्किँदा दुई जनाको मृत्यु
विदेशी मुद्राको विनिमय दर सार्वजनिक
विदेशी मुद्राको विनिमय दर सार्वजनिक
पश्चिमी वायु र ‘अक्वान’ चक्रवातको आंशिक प्रभाव, कोशीसहितका प्रदेशमा बदली 
कमिल मिशाराको शतकमा चितवन दोस्रो क्वालिफायरमा
अपांगता समावेशी विकासमा सरकारी प्रयास पर्याप्त भएनन्, कार्यान्वयनमै चुनौती
बेलबारीमा बाँसघारीभित्र जुवाखाल, प्रहरीले हान्यो छापा
निर्माण व्यवसायी महासंघ कोशीको अध्यक्षमा केशरकुमार बुढाथोकीको उम्मेदवारी, यस्तो छ प्यानल
प्रधानमन्त्रीका प्रमुख राजनीतिक सल्लाहकार बेनविरुद्ध प्रहरीमा जाहेरी
© 2024 Muluki Khabar. All Rights Reserved. Design & Develop By: Indesign Media Pvt. Ltd.