ग्रामथानका अध्यक्ष र उपाध्यक्षबीच सडकमै विवाद, सरकारी गाडी दुरुपयोगको आरोप (भिडियाेसहित)

Share this
673shares
मुलुकी खबर
मुलुकी खबर
clock२०८२ पुस ९, बुधबार १९:४५

विराटनगर । मोरङको ग्रामथान गाउँपालिकाका अध्यक्ष नमोनारायण माझी र उपाध्यक्ष गुणवतीदेवि थारूबीच बुधबार सडकमै विवाद भएको छ । विवादको मुख्य कारण भनेको सरकारी गाडीको दुरुप्रयोग थियो ।

घटनाको विवरण अनुसार पार्टीको कार्यक्रमका लागि विराटनगर आएकी उपाध्यक्ष थारूले अध्यक्ष माझीले प्रयोग गर्ने सरकारी गाडी देखेपछि चालकबाट चाबी खोसेकी थिइन् । विवाद बढ्दै गएपछि अध्यक्ष माझी र उपाध्यक्ष पक्षका एमाले कार्यकर्ताबीच हातपातको अवस्था समेत सिर्जना भएको थियो । स्थानीयले बीचमै हस्तक्षेप गरी घटनालाई रोक्न खोजे ।

उपाध्यक्ष थारूले भनिन्, ‘अध्यक्षले अरु जनप्रतिनिधिको गाडी खोसेका छन् । आफूले प्रयोग गर्ने गाडी भने आफ्ना कार्यकर्तालाई चढाउँदै दुरुपयोग गरिरहेका छन् । त्यही भएर दुरुपयोग भएको गाडी हामीले रोकेका हौ ।’ उनका अनुसार अध्यक्षले विगतदेखि नै जनप्रतिनिधिको गाडी कब्जा गर्ने र सरकारी स्रोतको दुरुपयोग गर्ने काम गरिरहेका छन् ।

यसअघि गत फागुनमा माझीले उपाध्यक्षसहित वडाध्यक्षले प्रयोग गर्दै आएको सरकारी सवारी खोसिसकेका थिए । त्यसपछि उनीहरु आफ्नै सवारी साधन प्रयोग गर्न बाध्य भएका छन् ।

मोरङका सहायक प्रमुख जिल्ला अधिकारी सरोज कोइरालाले भने, ‘जिल्ला प्रशासन कार्यालय बाहिर विवाद भएको थियो । तर, उनीहरु कार्यालयमा प्रवेश गरेर छलफल गर्न आएनन् । गाउँपालिकामै समस्या समाधान गर्न छलफल गर्ने सहमति भएको थियो ।’

ग्रामथानका अध्यक्ष माझी तत्कालीन माओवादी केन्द्रबाट गत मंसिरमा निर्वाचित भए पनि एमाले बहुमत रहेको गाउँपालिकामा उपाध्यक्षसहितका अन्य जनप्रतिनिधिबीच पटकपटक विवाद भइरहेको छ । गाउँपालिका अध्यक्ष निर्वाचित भएदेखि नै माझी अनेक विवादमा पर्दै आएका छन् ।

अरु जनप्रतिनिधिलाई सरकारी गाडी प्रयोगमा रोक लगाएका उनले आफू भने सरकारी गाडीमा पार्टीका कार्यकर्ता बोकेर हिँड्ने गरेका छन् । अरु जनप्रतिनिधिको गाडी खोसेर आफू भने सरकारी गाडी दुरुपयोग गर्ने गरेपछि उपाध्यक्षसहितको समूहले विरोध गर्दै आएको छ ।

अध्यक्ष माझीले भने, ‘गाउँपालिकाको काममा बाधा पुर्‍याउने नियतले जनप्रतिनिधिहरूले अनावश्यक विवाद सिर्जना गर्छन् । म पद, भत्ता र तलबका लागि अध्यक्ष भएको होइन । जनताको सेवा गर्न आएको हुँ ।’ अध्यक्ष माझीले उपाध्यक्ष र वडा अध्यक्षको अधिकार सम्मान गर्ने आश्वासन दिँदै आफूले पनि अध्यक्षको अधिकार सम्मान पाउनुपर्नेमा जोड दिए ।

उनले थपे, ‘गाउँसभा बोलाउँछु, नोट अफ डिसेन्ट लेख्छन् । बैठक बोलाउँछु, आउँदैनन् । काम गर्न दिँदैनन् । तर, म रोकिएको छैन । सडकमा झगडा गरेर जनताको प्रतिनिधि बन्न सकिँदैन ।’ ग्रामथानमा सरकारी स्रोतको प्रयोग र जनप्रतिनिधिहरूबीचको विवाद पुरानै हो । विवादका कारण गाउँपालिकामा प्रशासनिक अस्थिरता निम्तिनुका साथै दुई पक्षबीच बारम्बार तनाव अवस्था उत्पन्न भइरहेको छ ।

तपाइको प्रतिक्रिया
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.